Starfsfólk Bakkavarar búið að semja
Setja bókamerki
Verkfalli starfsmanna Bakkavarar í Bretlandi er lokið. Verkfallið hefur staðið yfir í nær sex mánuði en nú hafa starfsmenn samþykkt tilboð fyrirtækisins.
Breska ríkisútvarpið greinir frá og kemur þar fram að lægst launaða starfsfólkið hlýtur 7,8% launahækkun en aðrir 6,4% hækkun.
Mættu til vinnu 4. mars
Um var að ræða verkfall starfsfólks í verksmiðju fyrirtækisins í Spalding í Lincolnshire-sýslu í Bretlandi og hafði verkfallið staðið yfir síðan í september. Voru um 450 manns sem mættu ekki til vinnu.
Að sögn svæðisstjóra verkalýðsfélagsins Unite the union, Sam Hennessey, var haldin kosning á meðal félagsmanna í kjölfar nýs tilboðs sem var samþykkt og mættu starfsmenn aftur til vinnu 4. mars.
Endalok erfiðra tíma
Tilboðið um launahækkanirnar var lagt fram af Bakkavör í október og var upprunalega hafnað af starfsfólkinu.
Talsmaður Bakkavarar segir það ánægju að samningar hafi náðst. Það ljúki erfiðum tímum fyrir allt starfsfólk fyrirtækisins í Spalding.
/frimg/1/52/76/1527666.jpg)
Hver hraðahindrun kostar minnst 20 milljónir
„Var farinn að segja við mig að hann vildi deyja“
Gæti gosið í kringum 20. mars
650 milljarðar til að gera upp skuldir ÍL-sjóðs
Barn lést í umferðarslysinu
„Það er alrangt að það sé geymsla þarna“