Ásthildur Lóa tapaði gegn ríkinu

Ásthildur Lóa Þórsdóttir, mennta- og barna­málaráðherra, laut í lægra haldi gegn íslenska ríkinu í skaðabótamáli þar sem ríkinu var stefnt vegna aðgerða sýslumannsins á höfuðborgarsvæðinu sem Ásthildur og eiginmaður hennar töldu vera lögbrot.

Dómur var kveðinn upp rétt í þessu í Héraðsdómi Reykjavíkur og var Ásthildur viðstödd dómsuppkvaðninguna.

Frétt af mbl.is

Segja sýslumann hafa haft af þeim 10,6 milljónir

„Þeir hafa gert þetta áður“

Um er að ræða skaðabóta­mál þeirra Ásthildar og eiginmanns hennar gegn rík­inu vegna meintra lög­brota sýslu­manns­ins á höfuðborg­ar­svæðinu. Sögðu þau sýslu­mann ekki hafa sinnt lög­bundn­um skyld­um sín­um.

Var embætt­inu gefið að sök að hafa ekki tekið til­lit til fyrn­ing­ar vaxta við út­hlut­un sölu­verðs eft­ir upp­boð á heim­ili þeirra hjóna og hófst málið árið 2016 þegar nauðungasölubeiðni barst frá Arion banka. 

Í samtali við mbl.is segir Ásthildur það liggja ljóst fyrir að sýslumanni beri sú skylda að taka tillit til fyrningu vaxta. Það hafi ekki verið gert í þessu tilfelli. 

„Þannig að það að dómarinn hafi fundið einhverjar leiðir til þess að fara út úr því. Það er svo sem ekkert nýtt, þeir hafa gert þetta áður,“ sagði ráðherrann en hún kaus að tjá sig ekki frekar þar sem hún átti eftir að fara yfir dóminn. 

Ásthildur Lóa Þórsdóttir, mennta- og barnamálaráðherra við dómsuppkvaðningu. mbl.is/Eggert Jóhannesson

Mátti „éta það sem úti frýs“

Aðalmeðferð málsins fór fram 12. febrúar og mætti þar ráðherrann fyrir dóm og gaf skýrslu.

Þar sagði hún þau hjón­in hafa fengið tvær vik­ur til að bregðast við út­hlut­un­ar­gerð sýslu­manns þegar hún var send til þeirra árið 2018.

Ásthild­ur var á þeim tíma formaður Hags­muna­sam­taka heim­il­anna og sagði það strax hafa komið í ljós að sýslumaður hafði ekki gert ráð fyr­ir fyrn­ingu vaxta upp á tæp­ar 10,7 millj­ón­ir. Það hafi hjón­in bent á.

Sagði ráðherr­ann, en tók fram að það væri umorðað, að svör sýslu­manns­ins hafi verið á þann veg að þau mættu „éta það sem úti frýs og fara í mál.“

Frétt af mbl.is

Var andlega og fjárhagslega búin á því

Unnu málið í héraði en Landsréttur snéri því við 

Hjón­in kærðu út­hlut­un­ar­gerðina í mars 2018 og unnu málið fyr­ir Héraðsdómi Reykja­ness í júní sama ár. Kem­ur þó fram í tíma­línu máls­ins að dóm­ari hafi út­hlutað hærri upp­hæð en skyldi. Ari­on banki hafi svo áfrýjað mál­inu til Lands­rétt­ar stuttu síðar sem sneri dómi Héraðsdóms Reykja­ness við.

Þá áfrýjuðu hjón­in til Hæsta­rétt­ar sem tók ekki málið upp. Að sögn Ásthild­ar hafi það verið vegna þess að Hæstirétt­ur vildi ekki ómaka sig fyr­ir smáupp­hæð.

Nauðung­ar­samn­ing­um um end­ur­kaup á heim­il­inu var náð við Ari­on banka árið 2019 en að sögn Ásthild­ar tók bank­inn ekki til­lit til fyrn­ingu vaxt­anna. Af­salið fengu þau í janú­ar 2020 og sam­skipt­um þeirra og Ari­on banka var þar með lokið.

Ásthild­ur var svo kjör­inn inn á þing fyr­ir hönd Flokks fólks­ins í Alþing­is­kosn­ing­un­um árið 2021 og sagðist hún hafa strax í janú­ar 2022 haft sam­band við lög­mann vegna máls­ins.

Fréttin hefur verið uppfærð.

• Blogga um frétt