Þrír úrskurðaðir í gæsluvarðhald í manndrápsmáli
Setja bókamerki
Héraðsdómur Suðurlands hefur að kröfu lögreglustjórans á Suðurlandi úrskurðað þrjá til að sæta gæsluvarðahaldi á grundvelli rannsóknarhagsmuna allt til miðvikudagsins 19. mars næstkomandi, að því er fram kemur í tilkynningu.
Allir eru grunaðir um aðild að frelsissviptingu, fjárkúgun og manndrápi sem lögreglan á Suðurlandi hefur haft til rannsóknar frá því seint á mánudagskvöld.
Alls hafa átta verið handteknir í tengslum við rannsókn málsins en fimm verið látnir lausir úr haldi lögreglu. Rannsókninni miðar vel en er umfangsmikil og hefur lögreglan á Suðurlandi meðal annars notið aðstoðar lögregluembættanna á höfuðborgarsvæðinu, Suðurnesjum, ríkislögreglustjóra og embættis héraðssaksóknara.
Gæsluvarðhald tryggi rannsóknarhagsmuni
Spurður hvort þeir handteknu sem ekki hafa verið úrskurðaðir í gæsluvarðhald séu lausir allra mála svarar Jón Gunnar Þórhallsson, yfirlögregluþjónn hjá lögreglunni á Suðurlandi:
„Nei, það er ekkert sem segir það. Þeir eru frjálsir ferða sinna eins og staðan er núna. Rannsóknin heldur áfram.
Gæsluvarðhaldið er bara til að tryggja rannsóknarhagsmuni.“
Spurður hvort einhverjir hinna handteknu séu áfram vitni segir hann ekki unnt að veita upplýsingar um réttarstöðu þeirra að svo stöddu.
„Norðurhóp 40! Þetta er húsið mitt!“
Járngerður mun sækja að Þórkötlu
Ríkjandi hugmynd á Íslandi sem er misskilningur
Líkið sagt hafa fundist í Gufunesi
Þingmenn mótmæla pappírsleysi
Töldu það ekki sitt að upplýsa bæjarstjórann
Stjórnvöld bíða á meðan börn dúsa í fangaklefum
Tjón vegna sjávarflóða mun aukast