Fær húsnæði miðsvæðis: Hætt við umdeild áform

Sam­kaup hef­ur náð samn­ingi við KSK eign­ir ehf. um leigu á Vall­holts­vegi 8 á Húsa­vík. Hús­næðið er miðsvæðis í bæn­um en áður voru uppi áform um að versl­un­in myndi fær­ast í fyr­ir­hugaðan versl­un­ar­kjarna rétt fyr­ir utan Húsa­vík.

Í til­kynn­ingu frá Sam­kaup­um seg­ir að gert sé ráð fyr­ir af­hend­ingu rým­is­ins á tíma­bil­inu 2028 til 2030. Alls er um að ræða tæp­lega 1.400 fer­metra rými með ásætt­an­legt magn bíla­stæða og góðu aðgengi.

Frétt af mbl.is

Íbúar and­víg­ir versl­un­ar­kjarna

„Við höf­um um langt skeið leitað lausna á versl­un­ar­mál­um á Húsa­vík. Nú­ver­andi hús­næði Nettó versl­un­ar er of lítið og þröngt og því er þessi lausn afar ánægju­leg. Nú tek­ur við frek­ari hönn­un og skipu­lag og inn­an fárra ára mun Nettó opna glæsi­lega versl­un að Vall­holts­vegi 8,“ er haft eft­ir Gunn­ari Agli Sig­urðssyni for­stjóra Sam­kaupa í til­kynn­ing­unni.

Frétt af mbl.is

Áform um versl­un­ar­miðstöð á Húsa­vík

Svona á framtíðar hús­næði Nettó á Húsa­vík að líta út.

Næsta hús fær líka and­lits­lyft­ingu

Þá er haft eft­ir Brynj­ari Stein­ars­syni, fram­kvæmda­stjóra KSK eigna, að Nettó verði við Vall­holts­veg 8 en að Vall­holts­veg­ur 10 muni einnig fá góða and­lits­lyf­ingu þannig að báðar fast­eign­ir myndi eina heild.

Til standi að hin nýja versl­un verði versl­un­ar- og þjón­ustumiðstöð.

„Fram und­an eru því spenn­andi tím­ar í hönn­un svæðis­ins sem og að taka sam­tal við heima­menn og rekstr­araðila sem kunna að hafa áhuga á að koma að verk­efn­inu. Sam­hliða hafa áform um bygg­ingu nýs versl­un­ar­húss í jaðri bæj­ar­ins verið lögð til hliðar,“ er haft eft­ir hon­um.

Skipt­ar skoðanir voru um þau áform að reisa versl­un­ar­kjarna utan bæj­ar­ins eins og mbl.is fjallaði um síðasta sum­ar.

Frétt af mbl.is

Staðsetn­ing­in „bók­staf­lega úti á túni“

Frétt af mbl.is

Ætla ekki að skipta um staðsetn­ingu

• Blogga um frétt