Áslaug Arna Sigurbjörnsdóttir, þingmaður Sjálfstæðisflokksins, segir ummæli menntamálaráðherra grafa undan trausti almennings á réttarkerfinu og sýna lítilsvirðingu fyrir sjálfstæði dómsvaldsins – einni af þremur meginstoðum lýðræðisins.

„Við erum löngu hætt að gera ráð fyrir réttlæti hjá íslenskum dómstólum,“ sagði Ásthild­ur Lóa Þórs­dótt­ir menntamálaráðherra í viðtali eftir að dómur féll henni í óvil í skaðabóta­máli þar sem rík­inu var stefnt vegna aðgerða sýslu­manns­ins á höfuðborg­ar­svæðinu, sem Ásthild­ur og eig­inmaður henn­ar töldu vera lög­brot.

Áslaug segir það algjörlega óásættanlegt að ráðherra í ríkisstjórn – sem beri ábyrgð á framkvæmdavaldi landsins – tali með þessum hætti um íslenska dómstóla.

„Það er ekki aðeins óábyrgt heldur beinlínis hættulegt.“

Frétt af mbl.is

Ásthildur Lóa tapaði gegn ríkinu

Hvorugt er ásættanlegt

„Ef ráðherrar ríkisstjórnarinnar sjálfir hafa misst trú á réttlæti íslenskra dómstóla, hvernig eigum við þá að ætlast til þess að borgararnir geri það?“ spyr Áslaug í færslu á samfélagsmiðlum.

Hún segir það eðlilegt að fólk verði ósátt við niðurstöður dómstóla eða telji þær rangar og gagnrýni byggð á rökum og með vísun í lögin eigi fullt erindi í lýðræðislegri umræðu.

„En að ráðherra, sem sjálfur er hluti af framkvæmdavaldinu, ráðist á dómsvaldið með svona alhæfingum er aftur á móti algjörlega óásættanlegt. Það dregur úr trúverðugleika réttarkerfisins og vegur að grunnstoðum lýðræðisins.“

Annað hvort hafi þetta verið alvarlegur dómgreindarbrestur eða meðvituð atlaga að sjálfstæði dómsvaldsins. Hvorugt segir Áslaug vera ásættanlegt.

Tengdar fréttir

Alþingi

„Mjög sérstakt á meðal Evrópuþjóða“

• Ber Gunnari Smára ekki vel söguna
• Daði: Vafasamt met Íslands með covid-aðgerðum
• Boðar fleiri hagræðingartillögur
• Segir að stóru málin vanti

» Fleiri tengdar fréttir

• Blogga um frétt