Ásthildur: „Ég hljóp á mig“

Ásthild­ur Lóa Þórs­dótt­ir, mennta- og barna­málaráðherra, segist draga orð sín um vantraust á íslenskum dómstólum til baka. Hún segist hafa hlaupið á sig og að hún beri traust til dómkerfisins þó að hún sé áfram svekkt eftir niðurstöðu héraðsdóms í sínu máli.

Þetta sagði Ásthildur við blaðamann mbl.is eftir ríkisstjórnarfund nú fyrir skömmu.

„Við erum löngu hætt að gera ráð fyr­ir rétt­læti hjá ís­lensk­um dóm­stól­um,“ sagði Ásthild­ur í viðtali eft­ir að dóm­ur féll henni í óvil í skaðabóta­máli þar sem rík­inu var stefnt vegna aðgerða sýslu­manns­ins á höfuðborg­ar­svæðinu, sem Ásthild­ur og eig­inmaður henn­ar töldu vera lög­brot.

Frétt af mbl.is

Ásthildur Lóa tapaði gegn ríkinu

Hafa þessi ummæli vakið mikla athygli og gagnrýni meðal annars frá samráðherra hennar í ríkisstjórninni sem sagðist ekki deila áhyggjum Ásthildar.

Frétt af mbl.is

Mögulega setning sem fellur í hita leiksins

„Ég svara því bara þannig að ég var bara verulega svekkt í fyrradag og get náttúrulega ekki dæmt alla dómstóla landsins út frá mínu máli,“ sagði Ásthildur eftir ríkisstjórnarfundinn.

Samræmist þetta þinni stöðu?

„Ég er að segja, ég hljóp á mig.“

Ertu tilbúin að draga þetta til baka?

„Já ég er að því. Ég er að segja að ég get ekki fullyrt þetta um alla dómstóla landsins.“

Þannig að þú berð traust til dómkerfisins?

„Já ég geri það þó ég sé svekkt með mitt mál.“

Frétt af mbl.is

Segir ummæli menntamálaráðherra óábyrg og hættuleg

• Blogga um frétt