Fræsari tilbúinn í Búðardal
Setja bókamerki
Fræsari er tilbúinn til notkunar í Búðardal á Vesturlandi til þess að breyta vegum í malarvegi sökum hættu við að keyra þá. Eyjólfur Ármannsson, samgöngu- og sveitarstjórnarráðherra, segist ætla að ýta á eftir því að ráðherranefnd um ríkisfjármál taki fyrir beiðni um aukin fjárframlög til vega á Vesturlandi.
Umtalsvert hefur verið rætt um slæma stöðu vegakerfisins, ekki síst á Vesturlandi og uppsafnaða innviðaskuld. Blaðamaður mbl.is ræddi við Eyjólf um þessi mál að loknum ríkisstjórnarfundi fyrr í dag.
Bíður eftir gögnum frá Vegagerðinni
Segist Eyjólfur hafa fengið þær upplýsingar að fræsari sé nú tilbúinn í Búðardal þar sem algjör neyð ríki um að breyta vegum í malarvegi sökum þeirrar hættu sem þeim fylgja. Þannig hafa verið umtalsverðar vegablæðingar víða á Snæfellsnesi og Vesturlandi undanfarið með tilheyrandi hættu.
Eins og greint hefur verið frá hefur Eyjólfur skrifað bréf til fjármálaráðherra vegna ástands vega á Vesturlandi en einnig hefur hann tekið málið upp innan ríkisstjórnarinnar og mun málið verða tekið fyrir af ráðherranefnd um ríkisfjármál þar sem kemur þá í ljós hvaða úrræðum verður hægt að beita í sumar.
Aðspurður segir hann svar ekki hafa borist enn frá fjármálaráðherra. Sjálfur er Eyjólfur að bíða eftir gögnum frá Vegagerðinni um hvað þurfi að gera og mun hann í kjölfar þess ýta eftir því að fundur ráðherranefndarinnar fari fram sem fyrst.
„Þá liggur fyrir módelið - þetta þarf að gera og þetta er fjárhæðin.“
Nauðsynlegt að farið verði í viðhald í sumar
Þá segist hann meta það þannig að miðað við samtöl hans við Vegagerðina sé nauðsynlegt að farið verði í viðhaldsframkvæmdir á Vesturlandi strax í sumar.
„Svipað og var gert í fyrra minnir mig, þá var vegum breytt í malarveg og svo sett bundið slitlag aftur.“
Og það verður farið í þessa vinnu í sumar?
„Ég vonast til þess.“
Aðspurður segist hann ekki geta sagt um hvenær ráðherranefndin kynni nánari upplýsingar en nefnir að það verði væntanlega tilkynnt.
Solaris-kæran aftur á borð lögreglunnar
Minni verðbólga léttir róðurinn hjá ríkissjóði
Framteljendur skili sem fyrst
„Ég er ekki með hamarinn og naglana“
Ekki séð neitt þessu líkt
Starfsfólk segir Félagsbústaði óstarfhæfa
Leita á náðir borgarstjóra
Kröfu um ógildingu var hafnað