Héraðsdómur Suðurlands féllst á kröfu lögreglustjórans á Suðurlandi í dag um að konu yrði gert að sæta gæsluvarðhaldi í eina viku vegna rannsóknar á máli sem varðar frelsissviptingu, fjárkúgun og manndráp. Alls sæta fjórir gæsluvarðhaldi vegna rannsóknar málsins, tveir karlar og tvær konur.

Síðar í kvöld mun sá fimmti verða leiddur fyrir dómara, karlmaður sem handtekinn var í gærkvöldi. Fer lögreglan fram á að hann verði úrskurðaður í gæsluvarðhald.

Þetta kemur fram í tilkynningu frá lögreglunni á Suðurlandi.

Frétt af mbl.is

Fara fram á gæsluvarðhald yfir fjórða: Voru saman í bíl með þeim látna

Landsréttur staðfestir kærða úrskurði

Landsréttur staðfesti fyrr í dag gæsluvarðhaldsúrskurð Héraðsdóms Suðurlands frá því á miðvikudag yfir þeim tveimur sem kærðu úrskurðina til Landsréttar.

Í tilkynningu lögreglu segir að rannsókn málsins miði vel og haldi áfram af fullum þunga en vegna rannsóknarhagsmuna sé ekki unnt að veita nánari upplýsingar um málið að svo stöddu.

Tengdar fréttir

Lögreglan rannsakar manndráp

Sá fimmti úrskurðaður í gæsluvarðhald

• Fara fram á gæsluvarðhald yfir fjórða: Voru saman í bíl með þeim látna
• Lögðu hald á rangan Golf og greindu svo frá stuldi
• Nýjar upplýsingar: Útiloka ekki frekari húsleitir
• Einn handtekinn til viðbótar

» Fleiri tengdar fréttir

• Blogga um frétt