Starfsfólki sendiráðsins í Moskvu var ógnað
Setja bókamerki
Þórdís Kolbrún R. Gylfadóttir, fyrrverandi utanríkisráðherra, segir í samtali við fréttastofu Rúv, ekki hafa verið hægt að tryggja öryggi starfsmanna sendiráðs Íslands í Moskvu í aðdraganda þess að sendiráðinu var lokað í ágúst 2023.
Lokun sendiráðs Íslands í Moskvu vakti mikla athygli um allan heim en Ísland varð fyrst allra ríkja til að leggja niður starfsemi sendiráðs í Rússlandi eftir að innrásarstríð Rússa í Úkraínu hófst.
Rússar hafi brotist inn á heimili starfsmanna
Fyrst var fjallað um málið í breska dagblaðinu Daily Express en þar kemur fram að brotist hafi verið inn á heimili starfsmanna í þeim tilgangi að hræða þá og sýna fram á að Rússar hefðu aðgang að íbúðum þeirra eftir hentisemi.
Meðal yfirlýsinga Rússa í tengslum við innbrotin var að kjöti var komið fyrir í ísskáp grænmetisætu, logandi sígaretta notuð til að gera brunaför og gluggi skilinn eftir opinn í íbúð starfsmanns.
Daily Express fullyrðir að rússneska leyniþjónustan hafi borið ábyrgð á innbrotunum og áreitinu.
Þórdís segir öryggi starfsmanna hafa haft áhrif á þá ákvörðun að leggja sendiráðið niður en aðrar ástæður hafi einnig verið fyrir ákvörðuninni á sínum tíma.
Fjölskyldur vilja flytja og börn skipta um skóla
Raðhúsalengja flutt milli landshluta
Brakar minna í Reykjanestá
Einn til viðbótar í gæsluvarðhald og lagt hald á bifreið
„Viðbúin því að það geti byrjað að gjósa hvað úr hverju“