Heldur hefur dregið úr skjálftavirkni á Reykjanesskaga síðasta sólarhring. Þó er enn búist við kvikuhlaupi, sem kæmi líklegast með afar skömmum fyrirvara.

Skjálftahrinan sem hófst við Reykjanestá á fimmtudag hefur einnig dregið verulega úr sér.

Steinunn Helgadóttir náttúruvársérfræðingur segir við mbl.is að aðeins um 10 skjálftar hafi mælst á svæðinu seinasta sólarhring, ein þeirra var þó um 2,7 að stærð.

Þó hafa 700 skjálftar mælst í hrinunni allri, þar af sex um og yfir 3 að stærð, sá stærsti 3,5.

Rúmmál kviku undir Svartsengi hefur aldrei verið meira frá því að goshrinan við Grindavík hófst í desember 2023.

Gert er ráð fyrir kvikuhólfið hafi bætt við sig tæplega 38 milljónum rúmkílómetra af kviku frá því að landris hófst á ný meðan seinasta gos stóð yfir.

Jarðskjálftavirkni á Sundhnúkagígaröðinni hefur farið vaxandi, líkt og í aðdraganda seinasta goss. Steinunn segir að gert sé ráð fyrir 30-40 mínútna fyrirvara fyrir eldgos.

Frétt af mbl.is

Jarðskjálftahrinan að fjara út

Tengdar fréttir

Eldvirkni á Reykjanesskaga

Jarðskjálftahrinan að fjara út

• „Við erum bara á tánum“
• Dregið hefur úr skjálftahrinunni
• Um 600 skjálftar hafa mælst
• „Eftir því sem lengra líður eru meiri líkur á stóru gosi“

» Fleiri tengdar fréttir

• Blogga um frétt