Samningatækni Trumps algjörlega óútreiknanleg
Setja bókamerki
Gagnlegt getur verið að horfa á raunveruleikaþættina The Apprentice til þess að skilja hvað Trump er að gera þegar kemur að málefnum Úkraínu. Þetta er mat Tryggva Hjaltasonar, hernaðar- og varnarmálasérfræðings.
Þetta er meðal þess sem kemur fram í ítarlegu viðtali við Tryggva á vettvangi Spursmála.
Miskunnarleysið algjört
Vísar Tryggvi þar í fræga þætti þar sem viðskiptamaðurinn Donald Trump valdi sér lærlinga til starfa. Var hann þar þekktur af fullkomnu miskunnarleysi og tuddaskap sem mörgum sveið undan.
/frimg/1/21/24/1212405.jpg)
Á síðustu vikum hefur Trump unnið hörðum höndum að því koma Úkraínumönnum og Rússum að samningaborðinu til þess að ræða mögulegt vopnahlé milli ríkjanna tveggja sem borist hafa á banaspjótum allt frá því í febrúar 2022 og raunar allt frá árinu 2014 þegar Rússar innlimuðu Krímskaga.
Bendir Tryggvi á að Trump dragi úr og í. Hann hafi á tíma virst vera að taka algjörlega stöðu með Rússum. Hins vegar snýst pendúllinn hratt og um leið og Úkraínumenn lýstu sig reiðubúna til þess að koma að borðinu þá beindi Trump spjótum sínum að Rússum. Hefur hann auk þess hótað þeim síðarnefndu að hann muni knésetja þá með því að fella olíuverð á alþjóðamarkaði.
Samtalið um þetta mál má sjá í spilaranum hér að ofan.
Viðtalið við Tryggva er aðgengilegt í heild sinni í spilaranum hér að neðan:
Vilja ýta Rússum og Kína frá Grænlandi
Einn til viðbótar í gæsluvarðhald og lagt hald á bifreið
Gagnrýna áform um nýja höfn
Gerðu tæknibrellur fyrir Zero Day
Fjölskyldur vilja flytja og börn skipta um skóla
Segir sjúkraflug á Húsavík í uppnámi
Mæli óhikað með þessari meðferð