Þetta er ekki hægt að afsaka
Setja bókamerki
Salvör Nordal umboðsmaður barna segir það hafa verið stefnu íslenskra stjórnvalda frá upphafi að koma í veg fyrir að börn séu vistuð í fangaklefum.
„Það hefur verið stefna og sýn stjórnvalda að við séum ekki samfélag sem vistar börn í fangaklefum. Núna er þetta úrræði á vegum stjórnvalda. Þetta er algjörlega ótækt að okkar mati,“ segir hún í samtali við Morgunblaðið.
Börn vistuð í einangrun
Skýrsla umboðsmanns Alþingis um neyðarvistun barna í fangageymslum á Flatahrauni varpar ljósi á gróflegt brot gegn réttindum barna með rekstri úrræðisins, sem starfrækt er af Barna- og fjölskyldustofu. Umhverfi og aðbúnaður hafa yfirbragð fangageymslu og í mörgum tilfellum eru börnin vistuð í einangrun. Engir gluggar eru í klefunum og ekki aðstaða til útiveru.
„Það er ekki hægt að afsaka það að nota þetta úrræði,“ segir Salvör, og bætir við, „viljum við virkilega búa í samfélagi sem kemur svona fram við veikasta hóp barna?“
Umboðsmaður barna ítrekar að notkun úrræðisins brjóti gegn grundvallarréttindum barna og segir mennta- og barnamálaráðherra verða að grípa til tafarlausra ráðstafana og sjá til þess að úrræðinu verði lokað.
Kvarta undan Virðingu til Samkeppniseftirlitsins
Vona að sænskt granít endist lengur
Þögn, sprengingar og aftur þögn
Ákvörðun um atkvæðagreiðslu tekin á morgun
Fækkun gæti tengst spennu í alþjóðamálum
Yfir tuttugu börn bíða eftir að komast að