Kjararáð Landssambands slökkviliðs- og sjúkraflutningamanna (LSS) ákvað í gær að farið verði í atkvæðagreiðslu um verkfallsaðgerðir sjúkraflutningamanna. Aðgerðirnar verða kynntar félagsmönnum í kvöld og er stefnt á að atkvæðagreiðslan hefjist í kvöld og klárist fyrir hádegi á föstudag.

Þetta upplýsir Bjarni Ingimarsson, formaður LSS, í samtali við mbl.is.

Frétt af mbl.is

Sjúkraflutningamenn skoða aðgerðir

Myndu hefjast 7. apríl

Segir hann að ef verkfallsaðgerðir verða samþykktar muni þær hefjast 7. apríl.

Þá fundaði Landssambandið með Sambandi íslenskra sveitarfélaga í gær en þær viðræður hafa, að sögn Bjarna, gengið vel. Unnið var að áframhaldandi vinnu í gær og var annar fundur boðaður á mánudaginn.

Viðræður hafa hins vegar strandað á milli sambandsins og ríkisins vegna launamuns milli ríkis og sveitarfélaga en þeir sem starfa í sjúkraflutningum hjá sveitarfélögum eru á allt að 20% hærra kaupi en þeir sem starfa hjá ríkinu.

Eiga ekki von á frekari fundum með ríkinu

Segir Bjarni engan fund hafa verið boðaðan með ríkinu.

„Við eigum svo sem ekkert von á því heldur. Síðasti fundur var bara þannig að það gerðist ekki neitt. Það er ekki nema að ríkið ætli að breyta um einhverja stefnu í sinni nálgun á kjarasamningunum,“ segir Bjarni.

Tengdar fréttir

Kjaraviðræður

Leiksigur í Karphúsinu

• „Erum bara í miðju kafi“
• Ákvörðun um atkvæðagreiðslu tekin á morgun
• Sjúkraflutningamenn skoða aðgerðir
• „Vinna sem ég hlakka til að leiða og takast á við“

» Fleiri tengdar fréttir

• Blogga um frétt