Inga Sæland kveðst harmi slegin og að Ásthildur Lóa Þórsdóttir, fráfarandi barna- og menntamálaráðherra, eigi allan hennar hug. Inga segir að það sé Ásthildar að meta hvort að hún haldi áfram á þingi.

„Ég er í rauninni harmi slegin. Ásthildur Lóa á allan minn hug núna og ég sendi henni kærleikskveðjur. Þetta er mannlegur harmleikur sem hér er um að ræða,“ sagði Inga Sæland á blaðamannafundi fyrr í dag.

Eftir að hún sagði Ásthildi eiga allan hennar hug var hún spurð: „En barnsfaðirinn?“

Hún svaraði því ekki. 

Ásthildur sagðist myndu stíga úr stóli í gær eftir að greint var frá því að hún hefði haft sam­ræði við 15 ára dreng þegar hún var 22 ára göm­ul.

Frétt af mbl.is

Hegðun Ásthildar ekki á ábyrgð Kristrúnar

Ásthildar að meta hvort hún haldi áfram á þingi

„Við feng­um að upp­lifa hvernig við fáum að sjá einn ein­stak­ling mul­inn mél­inu smærra,“ sagði Inga um atburðarásina í gær og í dag.

Inga var spurð hvort Ásthildi væri stætt að sitja áfram á þingi í kjölfar málsins. Inga tók þá fram að Ásthildur væri oddviti Suðurkjördæmis og hefði með því fengið tvímælalaust traust kjósenda.

„Ekki ætla ég að fara að stíga inn í það heldur er það Ásthildar Lóu að meta það sjálf, það er ekki ríkisstjórnarinnar. Við vorum ekki þau sem greiddum henni öll þessi atkvæði en við greiddum henni fullt traust,“ sagði Inga.

Hún sagði Ásthildi vera leiðtoga sem hefði verið frábær barna- og menntamálaráðherra.

Frétt af mbl.is

Fundur formannanna í heild sinni

Tengdar fréttir

Ásthildur Lóa segir af sér

Á rétt á biðlaunum

• Ósammála um meint trúnaðarbrot
• Sakar ráðuneyti Kristrúnar um brot á trúnaði
• Ásthildur vildi bætur frá ríkinu eftir eigin mistök
• „Þú skreiðst upp í til fimmtán ára stráks“

» Fleiri tengdar fréttir

• 1 blogg um fréttina

Bloggað um fréttina

• Gunnar Heiðarsson: Sorglegt mál