Rannsókn lög­regl­u á meintri fjár­kúg­un, frels­is­svipt­ingu og mann­drápi frá því í síðustu viku gengur vel.

Jón Gunn­ar Þór­halls­son, yf­ir­lög­regluþjónn hjá lögreglunni á Suðurlandi, segir enn fullan gang í rannsókninni.

Bæði séu að berast nýjar upplýsingar og eftir því sem farið sé í gegnum gögn komi nýjar upplýsingar í ljós.

Frétt af mbl.is

Nafn mannsins sem lést

Erfitt að segja hvenær einhvers verði að vænta

Aðspurður segir hann þó hafa dregið úr upplýsingaflæði frá almenningi, svo sem eðlilegt sé.

Jón Gunnar er ekki tilbúinn að tjá sig um það hvort ný sönnunargögn hafi komið í ljós eða hvernig gangi að yfirheyra hina grunuðu.

Sjö sitja í gæsluvarðhaldi vegna málsins. Varðhaldi hefur verið framlengt yfir þremur og áframhaldandi varðhalds verið krafist yfir tveimur.

Jón Gunnar segir enn verið að meta hvort krafist verði áframhaldandi varðhalds yfir þeim tveimur sem út af standa.

Aðspurður segir hann erfitt að segja hvenær einhvers verði að vænta af málinu en að lögregla muni senda frá sér fréttatilkynningu ef til tíðinda bregði.

Tengdar fréttir

Lögreglan rannsakar manndráp

Nafn mannsins sem lést

• Kannast ekki við mistök: Guðmundur stendur við orð sín
• Féllst á áframhaldandi gæsluvarðhald
• Stefán Blackburn nýlega á Hrauninu með batahópi
• Krefjast gæsluvarðhalds á einum til viðbótar

» Fleiri tengdar fréttir

• Blogga um frétt