Allir þrettán lausir úr haldi

Öllum þeim þrettán einstaklingum sem voru handteknir í tengslum við hópslagsmál og stunguárás í miðbæ Reykjavíkur á föstudagskvöld hefur verið sleppt úr haldi. 

Málið er enn til rannsóknar hjá lögreglu. 

Þetta segir Agnes Eide Kristínardóttir yfirlögregluþjónn í samtali við mbl.is. 

Árásin átti sér stað á Ingólfstorgi seint á föstudagskvöld og var lögreglan með mikinn viðbúnað á svæðinu.

Frétt af mbl.is

Maður stunginn þrívegis og þrettán í haldi

Útskrifaðir af sjúkrahúsi

Tíu voru handteknir í tengslum við stunguárásina og þrír í tengslum við hópslagsmál sem áttu sér stað í kjölfarið. Agnes gat ekki veitt upplýsingar um hvort tengsl séu á milli hópanna tveggja en segir að það sé eitt af því sem lögreglan er með til skoðunar. 

Tveir voru lagðir inn á sjúkrahús í kjölfar stunguárásarinnar og hópslagsmálanna en þeir eru nú útskrifaðir. Annar var stunginn í þrígang en hinn var barinn í höfuðið með vopni. 

Agnes kvaðst ekki geta veitt frekari upplýsingar um málið að svo stöddu. 

Frétt af mbl.is

Stunguárás á Ingólfstorgi: Tveir fluttir á sjúkrahús

• Blogga um frétt