Lægð gengur austur yfir landið
Setja bókamerki
Dálítil lægð gengur austur yfir landið fyrri part dags. Áttin verður því breytileg. Gera má ráð fyrir fremur hægum vindi og rigningu, slyddu eða snjókomu með köflum í flestum landshlutum.
Eftir hádegi fjarlægist lægðin og það styttir upp. Þó má búast við lítilsháttar éljum á Norðurlandi. Hiti verður á bilinu 0 til 9 stig í dag, hlýjast suðaustantil. Í kvöld frystir allvíða.
Þetta kemur fram í hugleiðingum veðurfræðings á Veðurstofu Íslands.
Á morgun nálgast næstu skil úr suðvestri.
„Þeim fylgir austan- og suðaustanátt, vindur yfirleitt á bilinu 5-15 m/s, hvassast við suðvesturströninda. Sunnantil á landinu verður úrkoman ýmist rigning, slydda eða snjókoma og hiti á bilinu 0 til 6 stig. Norðan- og austanlands verður hins vegar þurrt framan af degi og vægt frost, en seinnipartinn má búast við snjókomu með köflum á þeim slóðum. Annað kvöld verður vindur svo suðlægari og það hlánar um landið vestanvert,“ segir í hugleiðingunum.
Kornax tryggir hveitiinnflutning
Matvælastofnun óskar eftir lögreglurannsókn
„Það er enginn að reyna að koma sér undan því“
Gagnrýnir seinagang borgarinnar
„Stefnir í kvikuhlaup áður en mjög langt um líður“
Hildur: „Hér er mikið í húfi“