Leiðtogafundur ISTP (International Summit on the Teaching Profession) hófst í dag í Hörpu, en um er að ræða stærsta alþjóðlega fund leiðtoga á sviði menntamála sem haldinn hefur verið á Íslandi.

Á fundinn koma 25 menntamálaráðherrar og kennaraforysta þátttökuríkja saman ásamt sendinefndum OECD og Education International (Alþjóðlegu kennarasamtökin) til að ræða málefni kennara og menntaumbætur. 

Fundurinn hefur verið haldinn árlega frá árinu 2011 og er þetta í fjórða skipti sem Ísland tekur þátt.

Fundurinn stendur til miðvikudags, 26. mars.