Brautin gæti opnast á miðnætti
Setja bókamerki
Sá hluti trjáa í Öskjuhlíð sem út af stóð til þess að unnt yrði að opna austur-vestur-flugbraut Reykjavíkurflugvallar hefur verið felldur.
Gangi allt eftir verður flugbrautin opnuð á miðnætti í kvöld.
Samkvæmt heimildum Morgunblaðsins er trjáfellingu lokið og á laugardag voru teknar drónamyndir af svæðinu. Heimildir blaðsins herma að Isavia Innanlandsflugvellir, dótturfélag Isavia, fari yfir myndefnið í dag. Þannig verður gengið úr skugga um að öll þau tré sem sköguðu upp í svokallaðan VSS-aðflugsflöt eða áttu 50 cm eða minna í að ná upp í flötinn hafi verið felld.
Staðfesti myndefnið að aðflugsflöturinn teljist nú hindranalaus kemur það í hlut Samgöngustofu að aflétta tilskipun um lokun austur/vestur-flugbrautarinnar. Í kjölfarið mun Isavia ANS senda tilkynningu til flugmanna um opnun brautarinnar sem tekur þá gildi á miðnætti þess dags sem hún er send.
Samkvæmt heimildum blaðsins standa vonir til þess að tilskipun um lokun verði aflétt í dag og flugbrautin verði þá formlega opnuð nú á miðnætti.
Lesa má nánar um málið í Morgunblaðinu í dag
Stærri útgerðir skilað góðum rekstri
Breytingin hefði skilað 10 milljörðum í fyrra
„Það er enginn að reyna að koma sér undan því“
Um 20 tilkynningar um flóðatjón
„Það er sannanlega rangt“
Árásarmál á Vopnafirði: Beðið eftir niðurstöðu í sakhæfismati
Hildur: „Hér er mikið í húfi“