Borg­ar­ráð samþykkti í dag sam­komu­lag við Reiti fast­eigna­fé­lag, fyr­ir hönd Reita - þró­un­ar og Reita at­vinnu­hús­næðis, um fyrsta áfanga upp­bygg­ing­ar á Kringlu­svæðinu. Gert er ráð fyr­ir að byggðar verði um 418 íbúðir og að um 20% þeirra verði leigu­íbúðir, þar með talið stúd­enta­í­búðir, íbúðir fyr­ir aldraða og/​eða bú­setu­rétta­r­í­búðir.

Þetta seg­ir í til­kynn­ingu frá Reykja­vík­ur­borg.

11 þúsund fer­metr­ar í at­vinnu­hús­næði

Fá fé­lags­bú­staðir kauprétt á allt að 5% hluta lóðanna. Þá munu Reit­ir skuld­binda sig til að vinna ásamt öðrum að áætl­un um leik­skólaþjón­ustu á svæðinu. Einnig munu lóðar­haf­ar verja 11,5 millj­ón­um króna til list­sköp­un­ar á svæðinu og mun Reykja­vík­ur­borg leggja til sömu upp­hæð.

Gert er ráð fyr­ir að byggðir verði um 56 þúsund fer­metr­ar af íbúðarfer­metr­um auk rúm­lega 11 þúsund fer­metra af at­vinnu­hús­næði.

Aðkoma í hverfið frá Kringlu­mýr­ar­braut. Henn­ing Lar­sen og THG arki­tekt­ar

Miðað er á að Reit­ir greiði rúm­lega einn millj­arð króna fyr­ir bygg­ing­ar­rétt­inn og mun sömu­leiðis greiða gatna­gerðar­gjald og önn­ur lög­bund­in gjöld er tengj­ast upp­bygg­ing­unni.

Þá er nýtt deili­skipu­lag í vinnslu fyr­ir lóðirn­ar og get­ur staðsetn­ing lóða, nýt­ing, bygg­ing­ar­magn og fleira breyst við af­greiðslu þess og seg­ir í til­kynn­ing­unni að fram­kvæmd­um á hverri lóð eigi að vera lokið inn­an 36 mánaða frá út­gáfu bygg­ing­ar­leyf­is.

Tölvu­teiknuð mynd af inn­g­arði á Kringlureitn­um. Henn­ing Lar­sen og THG arki­tekt­ar

Reit­ur­inn tengd­ur við nær­liggj­andi svæði

Seg­ir í til­kynn­ing­unni að gert sé ráð fyr­ir al­menn­ings­rým­um auk göngu- og hjóla­brú­ar yfir Kringlu­götu til að tengja landið við nær­liggj­andi svæði.

Þá mun Heiða Björg Hilm­is­dótt­ir borg­ar­stjóri halda op­inn kynn­ing­ar­fund um hús­næðismál á morg­un í Ráðhúsi Reykja­vík­ur þar sem Kringlureit­ur verður á meðal um­fjöll­un­ar­efna.

Fund­ur­inn verður í beinu streymi á vef Reykja­vík­ur­borg­ar.

Yf­ir­lits­mynd sem sýn­ir fyr­ir­hugað skipu­lag á reitn­um. Teikn­ing/​Henn­ing Lar­sen og THG arki­tekt­ar

Tengd­ar frétt­ir

Hús­næðismarkaður­inn

Seltjarn­ar­nes og Garðabær lækka álagn­ingu

• Brengluð verðmynd­un síðustu ár
• Hús­næðis­skort­ur ríki með óbreytt­um vaxta­mörk­um
• Í góðum takti við það sem við var að bú­ast
• Fast­eigna­mat hækk­ar um 9,2% milli ára

» Fleiri tengd­ar frétt­ir

• Blogga um frétt