Verka­lýðsfé­lag Akra­ness seg­ir að und­ir­bún­ing­ur sé haf­inn að at­kvæðagreiðslu um vinnu­stöðvun starfs­manna hjá Norðuráli. 

Þetta kem­ur fram í til­kynn­ingu á vef fé­lags­ins en bent er á að nú séu liðnir þrír mánuðir frá því að kjara­samn­ing­ur starfs­manna Norðuráls rann út.

„Skemmst er frá því að segja að ekk­ert sé að frétta í þess­ari deilu og af­skap­lega lít­inn vilja að finna af hálfu fyr­ir­tæk­is­ins til þess að ganga frá kjara­samn­ingi þannig að starfs­menn fái launa­hækk­un til að standa und­ir hinum ýmsu hækk­un­um sem al­menn­ing­ur í þessu landi hef­ur þurft að þola á liðnum miss­er­um,“ seg­ir í til­kynn­ing­unni. 

Þá seg­ir að ekk­ert annað sé í stöðunni en að nýta fyrsta tæki­færi til að greiða at­kvæði um vinnu­stöðvun.

„Að þessu sögðu til­kynnti formaður á fundi hjá rík­is­sátta­semj­ara í gær að VLFA muni hefja und­ir­bún­ing að kosn­ingu um verk­fall og stefn­ir fé­lagið á að hefja kosn­ingu á fimmtu­dag­inn í næstu viku enda eng­in önn­ur staða á vell­in­um en að sýna fulla staðfestu í að knýja fram sann­gjarn­an og rétt­lát­an kjara­samn­ing.“

Tengd­ar frétt­ir

Kjaraviðræður

Op­in­ber vinnu­markaður brjóti launa­stefnu

• „Þurf­um bara að ríf­ast um hvert á að fara“
• Laun hækka um­tals­vert og kaup­mátt­ur eykst
• Samn­ingaviðræður stefna í strand
• Samn­ings­laus og kosið um verk­fall

» Fleiri tengd­ar frétt­ir

• Blogga um frétt