16 ungir skátar sæmdir forsetamerkinu
Setja bókamerki
16 ungir skátar voru sæmdir forsetamerkinu á Bessastöðum í dag þegar Halla Tómasdóttir, forseti Íslands og verndari skátahreyfngarinnar á Íslandi, veitti merkið í fyrsta sinn.
Þetta kemur fram í tilkynningu frá Bandalagi íslenskra skáta.
Forsetamerkið er veitt rekkaskátum á aldrinum 16-18 ára, sem hafa valið að vinna að merkinu samhliða starfi sínu.
Í forsetamerkinu sameinast gildi skátahreyfingarinnar um persónulegar framfarir einstaklingsins og þess að gera sitt besta samfélaginu til heilla.
Vegferðin að forsetamerkinu er 2-3 ára verkefni sem hvetur skátanna til persónulegs vaxtar í gegnum 20 fjölbreytt verkefni, sem segir í tilkynningunni.
Auk þess þurfa skátarnir að sækja fimm daga alþjóðlegt skátamót, ferðast 40 kílómetra á eigin afli, sækja helgarnámskeið í leiðtogaþjálfun og 12 klukkustunda skyndihjálparnámskeið.
Að lokum velja þeir sér tvö langtímaverkefni sem krefjast virkrar þátttöku þeirra yfir 3-12 mánaða tímabil.
Þau Alma Sól Pétursdóttir og Viktor Nói Berg forsetamerkishafar flutta stutta hugvekju þar sem þau stikluðu á stóru í gegnum vegferð sína að forsetamerkinu.
Við tilefnið veitti Harpa Ósk Valgeirsdóttir skátahöfðingi, Höllu gullmerki Bandalags íslenskra skáta.
Í þakkarorðum sagði Harpa mikinn heiður fyrir skáta að Halla hafi fallist á það að vera verndari skátahreyfingarinnar og viðhalda þannig þeirri hefð sem afhending forsetamerkisins hefur verið í skátastarfinu.
Telur langt gengið með frumvarpi um gæludýr
„Allt kjörtímabilið er undir í þessari vinnu“
Fannst rúma 50 kílómetra frá heimili sínu
Til skoðunar að stofna sérstakt innviðafélag
Svona gengur ríkinu að bregðast við ofbeldi barna
Le Pen dæmd: Meinað að bjóða sig fram í fimm ár
Kristrún: Fáheyrt að vinna svona hratt
Litlar breytingar á fjármálaáætlun
