Innlent | mbl | 30.3.2025 | 22:58 | Uppfært 31.3.2025 2:15

Björgunarsveitarmenn fengu tvo fyrir einn

Það var heldur hráslagalegt á Reykjanesskaga í dag. Skjáskot/vefmyndavél mbl.is

Björgunarsveitin Þorbjörn í Grindavík var kölluð út í dag vegna ferðalangs sem lenti í vandræðum á Langahrygg austan Grindavíkur. Aðgerðin gekk fljótt og vel fyrir sig og maðurinn fannst.

Á för sinni um svæðið rákust björgunarsveitarmenn fyrir tilviljun á annan mann en engin tengsl voru á milli mannanna tveggja.

Samkvæmt upplýsingum frá Landsbjörg var báðum var komið í skjól en leiðindaveður var á svæðinu í dag.

Þrumur og eldingar við Reykjanesskaga

Losuðu bíla og heiðinni lokað

Björgunarsveitin Dýri á Þingeyri var þá kölluð út vegna bíls á Dynjandisheiði. Björgunarsveitarmenn fóru yfir heiðina og losuðu bílinn og annan til og heiðinni var lokað í kjölfarið.

Björgunarsveitarmenn vörðu drjúgum parti dagsins á heiðinni en meðal annars fór bíll upp á lokaða heiðina í eftirmiðdaginn.

„Þetta var mikið eldingaveður og er ennþá í gangi“

Byggingarefni fauk í Hafnarfirði

Á höfuðborgarsvæðinu var veðrið ekki mikið skárra en Björgunarsveit Hafnarfjarðar var til að mynda kölluð út á byggingarsvæði við vellina í Hafnarfirði upp úr klukkan fimm í dag þar sem byggingarefnisplötur voru að fjúka.

Frétt af mbl.is

„Sáum blossann og tókum enga sénsa“

Þrumur og eldingar

Þrumuveður gekk yfir landið og tugum eldinga laust niður. Gular viðvaranir eru í gildi til 23 á Breiðafirði, til miðnættis á Vestfjörðum og til klukkan tvö í nótt á miðhálendinu.

Gular viðvaranir taka þá gildi í nótt og í fyrramálið. Frá klukkan tvö í nótt á miðhálendinu, þrjú á Norðurlandi eystra, fjögur á ströndum og Norðurlandi vestra og 9 á Vestfjörðum. síðustu viðvaranir falla úr gildi um miðjan dag á morgun.