Banaslys eftir að grjót hrundi á hringveginn

Þrjár erlendar konur voru á ferð á hringveginum undir Eyjafjöllum í dag þegar grjót hrundi á bíl þeirra. Ökumaðurinn er látinn.

Stórt grjót lenti á bifreiðinni sem ekið var í austurátt.

Farþegarnir sluppu með minniháttar áverka og voru konurnar fluttar til frekari skoðunar.

Þetta kemur fram í tilkynningu lögreglunnar á Suðurlandi, en tilkynning um slysið barst lögreglu klukkan 12.42 í dag.

mbl.is/Jónas Erlendsson

Ökumaðurinn var fastur inni í bifreiðinni þegar viðbragðsaðilar komu og var úrskurðaður látinn á vettvangi. Rannsókn slyssins er í höndum rannsóknardeildar lögreglunnar á Suðurlandi sem nýtur aðstoðar tæknideildar lögreglunnar á höfuðborgarsvæðinu.

Suðurlandsvegi var lokað vegna slyssins en var opnaður á ný seinnipartinn.

Frétt af mbl.is

Einn alvarlega slasaður eftir umferðarslys

Fréttin hefur verið uppfærð.

• Blogga um frétt