„Þetta er búið að vera fjörugt í dag, skjálftavirknin er enn í gangi þrátt fyrir að virðist hafa dregið úr gosinu,“ segir Benedikt Halldórsson, fagstjóri náttúruvár hjá Veðurstofu Íslands, í samtali við mbl.is um áttunda gosið á Reykjanesskaga sem hófst í morgun.

Kveður hann gosið þar með hafa verið í ólíkum takti við fyrri gos á svæðinu og fylgist starfsfólk skjálftavaktar Veðurstofunnar með framgangi mála þar sem skjálftavirknin virðist fyrst og fremst nyrst í kvikuganginum.

Frétt af mbl.is

Virðist vera „lítill leki“ frá stærri atburði

Gangurinn leitar til norðausturs

Aðspurður segir Benedikt gosið í dag í grundvallaratriðum líkt fyrri gosum, það komi upp í gegnum skorpuna á Sundhnúkssvæðinu þar sem lárétt framrás kvikugangsins til norðausturs og suðvesturs hefjist.

„Það byrjar að fara til suðvesturs í átt að Grindavík og nær undir norðurhluta Grindavíkur, það virðist vera takturinn fyrsta klukkutímann. Síðan hættir framrás kvikugangsins þar til suðurs og hann leitar frekar til norðausturs,“ heldur Benedikt áfram.

Frétt af mbl.is

Kvika komin mjög norðarlega: Færist nær brautinni

Þetta sé þekkt frá fyrri gosum, en þrátt fyrir þrýstingslækkun í kerfinu í dag hafi þrýstingurinn nægt til þess að gangurinn hafi haldið áfram að brjóta sér leið norðar.

„Það virðist hafa hægt á því, sem eru góð tíðindi, en við erum enn þá að fylgjast með þessu, það er verið að bæta við mælum til þess að fá betri mynd, en þetta er atburðarásin í skjálftunum eins og hún hefur verið.“

Frétt af mbl.is

Beint: Eldgos á Reykjanesskaga

Tengdar fréttir

Eldvirkni á Reykjanesskaga

Líf í Grindavíkurhöfn: Stefna á fulla keyrslu

• Vilja halda partý: „Farið að minna á Tsérnóbyl“
• Tíu skjálftar yfir þremur að stærð
• Rannsókn málsins ekki breyst
• Almannavarnastig fært af neyðarstigi á hættustig

» Fleiri tengdar fréttir

• Blogga um frétt