Heildarlengd sprungunnar sem gýs á er nú um 1.200 metrar og heldur hún áfram að lengjast til suðurs. 

Kvikugangurinn nær núna rúmum 3 kílómetrum lengra í norðaustur en sést hefur í fyrrri gosum og aflögunargögn sýna einnig áframhaldandi færslur til norðaustur. Þetta bendir til þess að kvikan sé enn á hreyfingu um kvikuganginn. 

Þetta kemur fram í nýjustu uppfærslu Veðurstofu Íslands af eldgosinu sem hófst á Sundhnúkagígaröðinni á tíunda tímanum í morgun. 

Sprungan opnaðist innan við varnargarðana sem reistir voru til að verja Grindavík fyrir hraunfæði. 

Talsverður aðdragandi var að gosinu og sterkir jarðskjálftar urðu á svæðinu. Veðurstofunni barst tilkynning um að heitavatnslögn hafi farið í sundur norðarlega í Grindavík. Staðfestir það að talsverðar sprunguhreyfingar hafi orðið innan bæjarins. 

Áframhaldandi skjálftavirkni mælist á kvikuganginum öllum, en mesta skjálftavirknin er á norðaustur enda gangsins.

Frétt af mbl.is

Beint: Eldgos á Reykjanesskaga

Tengdar fréttir

Eldvirkni á Reykjanesskaga

Vilja halda partý: „Farið að minna á Tsérnóbyl“

• Tíu skjálftar yfir þremur að stærð
• Rannsókn málsins ekki breyst
• Almannavarnastig fært af neyðarstigi á hættustig
• Flæðir enn í kvikuganginn úr Svartsengi

» Fleiri tengdar fréttir

• Blogga um frétt