Ekki hefur sést virkni á gossprungunni á Sundhnúkagígaröðinni frá því um miðjan dag í gær en glóð logar enn í nýja hrauninu og er svæðið óstöðugt og varasamt.

Þetta kemur fram í tilkynningu frá Veðurstofu Íslands en þar segir að upp úr klukkan 21 í gærkvöld hafi farið að draga úr jarðskjálftavirkni á Reykjanesskaga.

Myndin sýnir yfirfarna jarðskjálfta síðustu 12 klukkutímana. Kort/Veðurstofa Íslands

Frétt af mbl.is

Miklu stærri og lengri kvikugangur

Gikkskjálftavirkni við Reykjanestá hefur fært sig suðvestar í átt að Eldey og má búast við áframhaldandi jarðskjálftavirkni á meðan svæðið er að jafna sig að því er fram kemur í tilkynningunni.

2.800 skjálftar síðasta sólarhringinn

Síðastliðinn sólarhring hafa mælst um 2.800 skjálftar á Reykjanesskaga og Reykjaneshrygg í tengslum við kvikuhlaupið. Fjöldi tilkynninga hafa borist Veðurstofunni um að skjálftarnir hafi fundist í byggð, allt frá Hrútafirði að Kirkjubæjarklaustri.

Frétt af mbl.is

„Meira eða minna búið, þetta gos“

Undir lok nætur var skjálftavirknin nokkuð dreifð á kvikuganginum frá Stóra-Skógfelli í suðri og að Vatnsleysuheiði nyrst og hefur dýpi þeirra haldist á um 4-6 km.

Tengdar fréttir

Eldvirkni á Reykjanesskaga

80-120 skjálftar mælast á hverri klukkustund

• Enn rýkur upp við varnargarðana
• Líf í Grindavíkurhöfn: Stefna á fulla keyrslu
• Vilja halda partý: „Farið að minna á Tsérnóbyl“
• Engin grið við verðmætabjörgun

» Fleiri tengdar fréttir

• Blogga um frétt