Enn má sjá talsverðan reyk við varnargarðana austur af gróðurhúsi ORF á Reykjanesskaga.

Ingibjörg Andrea Bergþórsdóttir, náttúruvásérfræðingur á Veðurstofu Íslands, segir í samtali við mbl.is að reykurinn komi frá gossprungunni sem myndaðist undir varnargarðinum í gær. Hún segir ekkert óeðlilegt við að það komi upp reykur á þessu svæði þar sem það sé enn þá glóandi hraun undir. 

„Það er enn þá mjög mikill hiti í þessu og glóandi hraun þarna undir. Það tekur mjög langan tíma fyrir svona hraun að kólna,“ segir Ingibjörg. 

Sprungan náði undir varnargarðinn. mbl.is/Árni Sæberg

Í kringum 100 skjálftar á klukkutíma

Ingibjörg segir að áfram hafi mælst stöðugir skjálftar í kvikuganginum norðan Fagradalsfjalls og norðaustur að Vatnsleysuheiði síðastliðinn sólarhring.

Segir hún að í kringum 100 jarðskjálftar hafa mælst á hverjum klukkutíma síðasta sólarhring en að stærð þeirra hafi farið hægt minnkandi frá því í morgun. Mælast þeir flestir nú undir einum að stærð.

Tengdar fréttir

Eldvirkni á Reykjanesskaga

„Mjög ólíklegt“ að skjálftinn hafi fundist

• Aðeins 1,5 kílómetrar niður á kvikuganginn
• Lengd gossins nú verið ákvörðuð
• 6,9 stiga skjálfti á Reykjaneshrygg
• Sigdalur myndaðist við Litla-Skógfell

» Fleiri tengdar fréttir

• Blogga um frétt