Jarðskjálftavirkni á Reykjanesskaga í tengslum við kvikuhlaupið sem varð 1. apríl hefur haldist stöðug í nótt. Engin virkni hefur sést á gossprungunni sem opnaðist norðan Grindavíkur í fyrradag en enn má greina glóð í nýja hrauninu og rýkur upp úr því á mörgum stöðum.

Í tilkynningu frá Veðurstofu Íslands segir að enn séu að mælast um 80-120 skjálftar á hverri klukkustund í kvikuganginum og eru þeir orðnir rúmlega 600 talsins frá miðnætti.

Frétt af mbl.is

Enn rýkur upp við varnargarðana

Skjálftarnir dreifast nokkuð jafnt frá Stóra Skógfelli í SV hluta gangsins og norður fyrir Keili á NA hluta gangsins. Dýpi skjálftanna er áfram stöðugt á um 4-6 km dýpi að jafnaði.

Meðfylgjandi mynd sýnir yfirfarna jarðskjálfta síðustu 12 klukkutímana á Reykjanesskaga. Kort/Veðurstofa Íslands

„Stærð skjálftanna frá miðnætti er undir 2 að stærð, ekki hefur mælst skjálfti yfir 3 að stærð síðan kl. 14:20 í gær, 2. apríl, en sá skjálfti var gikkskjálfti rétt NA við Eldey. Gikkskjálftum við Reykjanestá og Eldey hefur farið fækkandi og tæplega 30 skjálftar mælst frá miðnætti,“ segir í tilkynningu Veðurstofunnar.

Tengdar fréttir

Eldvirkni á Reykjanesskaga

Jarðskjálfti fannst á höfuðborgarsvæðinu

• Skjálftar frá Kleifarvatni hrella suðvesturhornið
• „Mjög ólíklegt“ að skjálftinn hafi fundist
• Aðeins 1,5 kílómetrar niður á kvikuganginn
• Lengd gossins nú verið ákvörðuð

» Fleiri tengdar fréttir

• Blogga um frétt