Veðurstofunni hafa ekki borist neinar tilkynningar vegna skjálftans sem varð á Reykjaneshrygg á þriðja tímanum í dag. Þá er talið mjög ólíklegt að Íslendingar hafi fundið fyrir honum, þar sem hann átti sér raunar stað nær Kanada og Bretlandseyjum.

Minney Sigurðardóttir, náttúruvársérfræðingur hjá Veðurstofu Íslands, segir skjálftann, sem mældist 6,9 að stærð, flokkast sem erlendan skjálfta.

Frétt af mbl.is

6,9 stiga skjálfti á Reykjaneshrygg

Fólk á Reykjanesi mögulega fundið fyrir minni skjálftum

Eftir að lesendur lýstu því sumir að þeir hefðu fundið fyrir skjálftanum ákvað mbl.is að hafa samband við Veðurstofuna.

„Það er mjög ólíklegt að hann hafi fundist hér á landi,“ segir Minney.

Hún bendir þó á að fólk á Reykjanesi gæti hafa fundið fyrir minni skjálftum sem enn eru í gangi þar. Minney nefnir sérstaklega skjálfta, um 3 að stærð, sem varð rétt fyrir klukkan 15.

Veðurstofan hefur þó ekki fengið neinar tilkynningar um hann heldur.

Tengdar fréttir

Eldvirkni á Reykjanesskaga

Öskufall og reykur geta spillt umferð

• Dregur úr skjálftavirkni í kvikuganginum
• Jarðskjálfti fannst á höfuðborgarsvæðinu
• Skjálftar frá Kleifarvatni hrella suðvesturhornið
• Aðeins 1,5 kílómetrar niður á kvikuganginn

» Fleiri tengdar fréttir

• Blogga um frétt