Einn af helstu trúnaðarmönn­um Viðreisn­ar seg­ir fyr­ir­ætlan­ir rík­is­stjórn­ar Kristrún­ar Frosta­dótt­ur um að tvö­falda veiðigjöld á út­gerðarfyr­ir­tæki í land­inu reka fleyg í sam­starf Viðreisn­ar.

Þetta kem­ur fram í viðtali á vett­vangi Spurs­mála þar sem Gylfi Ólafs­son, formaður bæj­ar­ráðs Ísa­fjarðarbæj­ar er meðal gesta. Gylfi sit­ur í bæj­ar­stjórn fyr­ir hönd Í-lista en hann hef­ur lengi verið flokks­bund­inn í Viðreisn og gegndi meðal ann­ars starfi aðstoðar­manns Bene­dikts Jó­hann­es­son­ar, þáver­andi fjár­málaráðherra. Bene­dikt er stofn­andi flokks­ins.

Ugg­andi yfir fyr­ir­ætl­un­um stjórn­valda

Gylfi viður­kenn­ir að Vest­f­irðing­ar séu ugg­andi yfir fyr­ir­ætl­un­um rík­is­stjórn­ar­inn­ar og að ef af skatt­heimt­unni verði í óbreyttri mynd muni það hafa nei­kvæð áhrif á at­vinnu­líf á Vest­fjörðum.

Frétt af mbl.is

Auk­in skatt­heimta veg­ur að Vest­fjörðum

Trú­ir því ekki að það fari óbreytt í gegn

Hann seg­ist ekki trúa því að frum­varpið fari óbreytt í gegn. Á sama tíma minn­ir hann á að fyrri rík­is­stjórn hafi einnig lagt stein í götu at­vinnu­lífs fyr­ir vest­an, meðal ann­ars með auk­inni skatt­heimtu á skemmti­ferðaskip en einnig með því að trappa hraðar og meira upp fisk­eld­is­gjöld en áætlan­ir gerðu upp­haf­lega ráð fyr­ir.

Hanna Katrín Friðriks­son og Gylfi Ólafs­son. mbl.is/​sam­sett mynd

Hleypt illu blóði í marga

Ásamt Gylfa er viðmæl­andi þátt­ar­ins Ragn­ar Sig­urðsson, formaður bæj­ar­ráðs Fjarðabyggðar. Það embætti verm­ir hann fyr­ir hönd Sjálf­stæðis­flokks­ins.

Ljóst er að frum­varpið sem Hanna Katrín Friðriks­son, at­vinnu­vegaráðherra hef­ur kynnt í sam­ráðsgátt hef­ur hleypt illu blóði í marg­an lands­byggðar­mann­inn og er talið víst að hin aukna gjald­taka sem yrði sam­fara samþykkt frum­varps­ins í nú­ver­andi mynd, myndi hafa mjög al­var­leg­ar af­leiðing­ar á af­komu fisk­verk­enda hring­inn í kring­um landið.

Arna Lára Jóns­dótt­ir, odd­viti Sam­fylk­ing­ar­inn­ar í Norðvest­ur­kjör­dæmi og fyrr­ver­andi bæj­ar­stjóri Ísa­fjarðar. mbl.is

Gamli bæj­ar­stjór­inn horf­inn?

Erfitt hef­ur verið að ná í þing­menn stjórn­ar­meiri­hlut­ans á Alþingi. Þannig hef­ur Arna Lára Jóns­dótt­ir, odd­viti Sam­fylk­ing­ar­inn­ar í Norðvest­ur­kjör­dæmi og fyrr­ver­andi bæj­ar­stjóri á Ísaf­irði, ekki svarað sí­end­ur­tekn­um póst- og skila­boðasend­ing­um, auk sím­tala frá Spurs­mál­um.

Viðtalið við Gylfa og Ragn­ar má sjá og heyra í heild sinni hér að neðan:

Tengd­ar frétt­ir

Spurs­mál

Sig­mund­ur Davíð smitaður af E.coli?

• Spurs­mál: Stend­ur við aðgerðir gegn fjöl­miðlum
• Skann­inn hef­ur nú þegar bjargað manns­líf­um
• Sjúkra­trygg­ing­ar leggja stein í götu fyr­ir­tæk­is­ins
• Þung stemn­ing í Borg­ar­túni

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Þor­steinn H. Gunn­ars­son: Hvað er leiðrétt­ing á veiðigjöld­um?