Sig­ríður Mar­grét Odds­dótt­ir, fram­kvæmda­stjóri Sam­taka at­vinnu­lífs­ins, seg­ir sam­tök­in fylgj­ast vel með stöðu mála og hvetja stjórn­völd til að verja hags­muni Íslands á alþjóðavett­vangi. Þá sé ekki rétti tíma­punkt­ur­inn núna til að skatt­leggja at­vinnu­grein­ar með þeim hætti að það skaði sam­keppn­is­hæfni ís­lenskra út­flutn­ings­greina.

Þetta seg­ir Sig­ríður í sam­tali við mbl.is er hún er innt eft­ir viðbrögðum um hrun markaða víðs veg­ar um heim.

Frétt af mbl.is

Markaður­inn á Íslandi hryn­ur við opn­un

Frétt af mbl.is

Áhrif af toll­um Trumps „alltumlykj­andi“

Fylgj­ast með aðgerðum Evr­ópu­sam­bands­ins

„Það sem að allt at­vinnu­lífið er að velta fyr­ir sér núna er hvað sé að ger­ast og hvaða áhrif toll­ar Banda­ríkj­anna sem og viðbrögð annarra hag­kerfa muni koma til með að hafa á eft­ir­spurn, fram­boð, hliðrun viðskipta á milli markaða, geng­is­breyt­ing­ar gjald­miðla og vilja til fjár­fest­inga svo eitt­hvað sé nefnt,“ seg­ir Sig­ríður.

Hún seg­ir Banda­rík­in og Evr­ópu­sam­bandið vera tvö stærstu hag­kerfi sem Ísland eigi í viðskipta­sam­bandi við. Því sé nauðsyn­legt að fylgj­ast vel með og afla upp­lýs­inga en sam­tök­in eru t.a.m. með ráðgjafa­fyr­ir­tæki í Brus­sel sem upp­lýs­ir um kom­andi aðgerðir Evr­ópu­sam­bands­ins (ESB).

Frétt af mbl.is

Hluta­bréfa­markaðir í Asíu í frjálsu falli

Mik­il­vægt að Ísland sé inn­an vernd­ar­ráðstaf­ana

Þá hvetja sam­tök­in ís­lensk stjórn­völd til að sinna hags­muna­gæslu Íslands á alþjóðavett­vangi.

„Það er al­veg ljóst að það er til­efni til að taka þessu al­var­lega og hafa áhyggj­ur.“

Hún seg­ir nú mikla óvissu ríkja og að það skipti miklu máli að fylgj­ast vel með þeim aðgerðum sem ESB mun grípa til sem bú­ist er við að séu tvíþætt­ar: Ann­ars veg­ar mót­vægisaðgerðir gegn Banda­ríkj­un­um og hins veg­ar vernd­ar­ráðstaf­an­ir sem gætu haft áhrif á vöru­sölu Íslands til sam­bands­ins.

Þá skipti miklu máli að Ísland sé inn­an þeirra vernd­ar­ráðstaf­ana og að ekki verði tekn­ir upp toll­ar eða viðskipta­hindr­an­ir inn­an innri markaðar­ins á Evr­ópska efna­hags­svæðinu.

Frétt af mbl.is

Sýn­ir að eng­inn hagn­ast á viðskipta­stríði

Von­ast til að samn­ing­ar ná­ist

Seg­ir Sig­ríður það þó hafa verið skýrt í mál­flutn­ingi Evr­ópu­sam­bands­ins að sam­bandið vilji semja við Banda­rík­in.

„Það er auðvitað já­kvætt og við von­um auðvitað að það tak­ist,“ seg­ir Sig­ríður en hún ít­rek­ar þó að nú sé tíma­bil óvissu. 

Frétt af mbl.is

„Stund­um þarftu að taka lyf til að laga eitt­hvað“

Störf í húfi

„Það sem við vit­um er að toll­ar eru skatt­ar. Þeir eru slæm­ir fyr­ir fyr­ir­tæki og verri fyr­ir neyt­end­ur. Þeir geta truflað aðfanga­keðju og valdið óvissu. Þannig þegar við erum að tala um tolla­stríð þá þýðir það ein­fald­lega að störf eru í húfi, verð mun hækka og fyr­ir­tæki þurfa að meta áhrif­in af bein­um toll­um á sín eig­in viðskipta­sam­bönd og sína eig­in markaði.“

Hún nefn­ir þó að ís­lenskt at­vinnu­líf hafi áður sýnt mikla seiglu er það hef­ur farið í gegn­um óvissu­tíma­bil og seg­ir að það sé mik­il­vægt að muna að til lengri tíma sé Ísland í öf­undsverðri stöðu.

Landið hafi næg­ar auðlind­ir, bæði mannauð sem og nátt­úru­auðlind­ir. Einnig sé landið með vel fjár­magnað líf­eyri­s­kerfi, búi við mikið jafn­rétti og mik­inn tekju- og eign­ar­jöfnuð.

Ekki rétti tíma­punkt­ur­inn fyr­ir grund­vall­ar­breyt­ing­ar

„Það sem skipt­ir svo miklu máli núna þegar aðstæðurn­ar eru með þess­um hætti, það er að stjórn­völd standi raun­veru­lega vörð um verðmæta­sköp­un og stöðug­leika á land­inu,“ seg­ir Sig­ríður og held­ur áfram:

„Þá erum við kannski fyrst og fremst að hugsa að það sé ekki tíma­punkt­ur­inn núna til þess að gera grund­vall­ar­breyt­ing­ar á rekstr­ar­um­hverfi at­vinnu­greina án þess að eiga við þær al­menni­legt sam­ráð eða gera það í sátt við viðkom­andi at­vinnu­grein­ar. Þetta er ekki tíma­punkt­ur­inn þar sem við eig­um að vera að vinna gegn fyr­ir­sjá­an­leika og stöðug­leika.

Þetta er ekki tíma­punkt­ur­inn þar sem við eig­um að vera að skatt­leggja grein­ar með þeim hætti að það skaði sam­keppn­is­hæfni ís­lenskra út­flutn­ings­greina. Núna er tíma­punkt­ur­inn til að snúa bök­um sam­an við at­vinnu­lífið í hags­muna­gæslu fyr­ir Ísland á alþjóðleg­um vett­vangi. Þetta er bara lyk­il­atriði.“

Frétt af mbl.is

Segja rík­is­stjórn­ina tvö­falda veiðigjöld

Frétt af mbl.is

„Aðför að und­ir­stöðuat­vinnu­grein“

Tengd­ar frétt­ir

Don­ald Trump Banda­ríkja­for­seti

Gæt­um fundið fyr­ir dvín­andi áhuga á Banda­ríkj­un­um

• Óbein­ar viðræður um kjarn­orku­áætlun hafn­ar
• Trump und­anþigg­ur snjallsíma og tölv­ur frá toll­um
• Banda­rísk­ir toll­ar valdi fá­tæk­um þjóðum al­var­leg­um skaða
• Trump skipt­ir mynd af Obama út fyr­ir mál­verk af sjálf­um sér

» Fleiri tengd­ar frétt­ir

Veiðigjöld

Hluti auðlinda­gjalda í markaðsmál

• „Öll gögn þurfa þá að liggja á borðinu“
• „Hvers vegna ligg­ur svona mikið á?“
• Hanna Katrín: „Mér er nokk­ur vandi á hönd­um“
• Hanna Katrín: „Þessi leiðrétt­ing stend­ur“

» Fleiri tengd­ar frétt­ir

• Blogga um frétt