Tæp­lega 18 stiga hiti var á Norðaust­ur­landi í dag og út­lit er fyr­ir að suðlæg­ar átt­ir haldi þar áfram næstu daga.

„Á morg­un verður líka frekj­ar hlýtt en ekki eins og í dag. Upp við norður­strönd­ina snýst vind­ur­inn í austanátt og þar verður aðeins sval­ara. Inn til lands­ins býst ég við al­veg 12-13 stig­um,“ seg­ir Marcel de Vries, veður­fræðing­ur á Veður­stofu Íslands, í sam­tali við mbl.is.

Frétt af mbl.is

Bongóblíða á Norðaust­ur- og Aust­ur­landi

Pitsa borðuð og notið blíðunn­ar við smá­báta­höfn­ina á Ak­ur­eyri, mbl.is/Þ​or­geir

„Sum­arið er ekki á leiðinni“

Aðspurður seg­ir Marcel sum­arið þó ekki vera á leiðinni til höfuðborg­ar­svæðis­ins. 

„Það var nú frek­ar skýjað í dag en það á að vera frek­ar þurrt á morg­un, blautt á miðviku­dag og úr­komu­lítið á fimmtu­dag. Þannig að þetta verður ekki eins glæsi­legt og var á Norðaust­ur­landi, því miður.“

Seg­ir hann út­lit fyr­ir að það kólni í veðri í lok vik­unn­ar, gera megi ráð fyr­ir skúr­um og mögu­leiki sé á slyddu.

„Það er aðallega á Suður- og Vest­ur­landi, en það verður líka kalt á Norðaust­ur­landi, hita­stig fer und­ir frost­mark þar líka. Á laug­ar­dag verður til dæm­is frost um allt land.

Sum­arið er ekki á leiðinni.“

Tengd­ar frétt­ir

Veður

Spá frosti inn til lands­ins

• Öfund­sjúk­ir borg­ar­bú­ar heyrðu í sólarp­ara­dís­inni: „Al­veg bongó!“
• Fer að hlýna á sunnu­dag
• Élja­gang­ur og lík­ur á eld­ing­um fram eft­ir degi
• Varað við hálku á fjall­veg­um

» Fleiri tengd­ar frétt­ir

• Blogga um frétt