Guðný býður sig fam til ritara Samfylkingarinnar
Setja bókamerki
Guðný Birna Guðmundsdóttir, oddviti Samfylkingarinnar í Reykjanesbæ og forseti bæjarstjórnar, hefur ákveðið að gefa kost á sér í embætti ritara Samfylkingarinnar á komandi landsfundi.
Frá þessu greinir hún á Facebook.
Hún segir mikilvægt að landsbyggðin sé með fulltrúa í stjórn flokksins, sérstaklega í ljósi þess að á næsta ári fara fram sveitarstjórnarkosningar.
„Þetta er stóra verkefnið okkar fram undan en auk þess þurfum við að halda sterkri forystu og stækka flokkinn okkar með fólki sem trúir á okkar góðu verk,“ skrifar hún.
Kristrún og Guðmundur gefa aftur kost á sér
Kristrún Frostadóttir, formaður Samfylkingarinnar og forsætisráðherra, verður ein í framboði til formanns Samfylkingarinnar en landsfundurinn fer fram í Stúdíó Fossaleyni í Grafarvogi dagana 11. og 12. apríl.
Þá hefur Guðmundur Árni Stefánsson gefið kost á sér til áframhaldandi setu sem varaformaður Samfylkingarinnar.
Arna Lára Jónsdóttir, þingmaður Samfylkingarinnar, var kjörin ritari flokksins á síðasta landsfundi en missti embættið þegar hún varð þingmaður. Samkvæmt lögum flokksins þá skulu ritari flokksins og formaður framkvæmdastjórnar ekki vera þingmenn.
Bæjarfulltrúi síðan 2014
Guðný hefur verið bæjarfulltrúi fyrir Samfylkinguna í Reykjanesbæ síðan 2014 og verið oddviti síðan 2024.
„Ég vil af öllu hjarta að okkur vegni vel í því mikilvæga verki sem við stöndum frammi fyrir; að leiða stjórn Íslands, borgarinnar og fullt af frábærum sveitarfélögum um land allt. Nú er tækifærið okkar að verða enn stærri og öflugri og ég væri mjög þakklát fyrir stuðning ykkar í embætti ritara. Sjáumst á landsfundi,“ skrifar Guðný á Facebook.
„Finnst þetta vera í rólegheitunum að fjara út“
Fann hvernig máttur hvarf úr líkamanum
Þrjár vélar Play á áætlun
„73 ára gamall karl hættir í vinnunni“
/frimg/1/56/39/1563961.jpg)
Skall á „eins og hendi væri veifað“
„Sjaldgæft loftslagsfyrirbrigði“ sagt valda usla
Umfangsmikið rafmagnsleysi á Spáni og í Portúgal