Braut ítrekað gegn barnungri frænku sinni

Héraðsdóm­ur Reykja­ness hef­ur dæmt 25 ára karl­mann í þriggja ára óskil­orðsbundið fang­elsi fyr­ir að hafa ít­rekað brotið gegn barn­ungri frænku sinni. Nauðgaði hann stúlk­unni meðal ann­ars á heim­ili henn­ar, fram­leiddi af henni klám­fengið efni og lét hana pissa í munn sinn er hann lá á bak­inu.

Ákæra manns­ins er í nokkr­um liðum fyr­ir kyn­ferðis­brot gegn stúlk­unni sem fram­in voru á tíma­bil­inu ág­úst 2014 til síðla árs 2017. Með hátt­semi sinni nýtti maður­inn sér yf­ir­burði sína sök­um ald­urs og þess að hann var náfrændi henn­ar og beitti stúlk­una ólög­mætri nauðung.

Maður­inn og stúlk­an eru systkina­börn og fyr­ir ligg­ur að mik­ill sam­gang­ur var á milli heim­ila þeirra og að maður­inn hafi oft passað brotaþola og bróður henn­ar inn­an ákæru­tíma­bils. Þá skutlaði hann frænku sinni einnig nokkr­um sinn­um á fim­leikaæf­ing­ar.

Ákærður fyr­ir nauðgun og vopna­laga­brot

Maður­inn er ákærður fyr­ir nauðgun og kyn­ferðis­brot gegn barni, með því að hafa í fjölda skipta haft sam­ræði og önn­ur kyn­ferðismök við hana á heim­ili henn­ar, á heim­ili sínu, í húsi föðurafa þeirra og í ótil­greindri bif­reið. Lét hann stúlk­una meðal ann­ars hafa við sig munn­mök, hafði munn­mök við hana, nuddaði kyn­færi henn­ar innan­k­læða og fór með fing­ur inn í leggöng henn­ar, lét hana snerta kyn­færi hans og fróa hon­um, þuklaði á brjóst­um henn­ar og kyn­fær­um inn­an- og utan­k­læða og kyssti hana tungu­koss­um.

Einnig er hann ákærður fyr­ir kyn­ferðis­brot gegn barni með því að hafa hellt mjólk yfir nak­in brjóst stúlk­unn­ar og sleikt hana af og með því að hafa látið stúlk­una pissa í munn hans þar sem hann lá á bak­inu.

Þá er hann ákærður fyr­ir kyn­ferðis­brot og brot gegn barna­vernd­ar­lög­um, með því að hafa fram­leitt mynd­efni af stúlk­unni sem sýn­ir barn á kyn­ferðis­leg­an og klám­feng­inn hátt og með því að hafa á ár­un­um 2021-2022 út­búið og/​eða haft í vörsl­um sín­um mynd­efni sem sýn­ir börn á kyn­ferðis­leg­an og klám­feng­inn hátt.

Maður­inn er einnig ákærður fyr­ir að hafa haft í vörsl­um sín­um og skoðað á in­ter­net­inu gríðarlegt magn af mynd­efni sem sýn­ir kyn­ferðis­lega mis­notk­un á börn­um og börn á kyn­ferðis­leg­an og klám­feng­inn hátt.

Þá er hann ákærður fyr­ir vopna­laga­brot með því að hafa yrir að hafa haft í vörsl­um sín­um svarta skamm­byssu af gerðinni Zoraki og svarta gasbyssu, sem lög­regla lagði hald á við hús­leit á heim­il­inu.

Frá­sögn manns­ins er óstöðug

Maður­inn neitaði sök fyr­ir dómi og færðist und­an að tjá sig um sak­argift­ir að öðru leyti. Áður hafði hann neitað sök við skýrslu­gjöf hjá lög­reglu 23. nóv­em­ber 2022, en síðan geng­ist við því hjá lög­reglu 27. apríl 2023 að hafa brotið gegn brotaþola á ár­un­um „2013-2017“ og á því tíma­bili í allt að fimm skipti veitt stúlk­unni munn­mök og í mörg skipti, þó færri en tíu, kysst hana tungu­koss­um og káfað á ber­um brjóst­um henn­ar og píku.

Dró hann svo úr þeim framb­urði og kvaðst ekki hafa káfað á stúlk­unni innan­k­læða og þannig aldrei snert bert hold henn­ar.

Af frá­sögn manns­ins hjá lög­reglu er ekki ljóst hvort hann hafi geng­ist við því að hafa brotið gegn brotaþola á heim­ili sínu, en sagði hana hafa verið mikið inni á því heim­ili. Ákærði þver­tók fyr­ir að hafa brotið gegn stúlk­unni heima hjá afa þeirra og í bif­reið á leið á fim­leikaæf­ing­ar, þrætti fyr­ir að hafa haft sam­ræði við brotaþola, látið hana hand­leika og sleikja getnaðarlim hans og/​eða runka hon­um og hann aldrei farið með fing­ur inn í leggöng henn­ar.

Fyr­ir dómi kvaðst ákærða ráma í að hafa gefið skýrsl­ur hjá lög­reglu, en ekki muna hvað hann sagði; hann væri með [ótil­greint] og sök­um þeirra veik­inda hefði hann eng­ar minn­ing­ar um neitt sem viðkem­ur sak­ar­efni máls.

Við sam­an­b­urð á framb­urði manns­ins hjá lög­reglu og fyr­ir dómi er ljóst að frá­sögn hans er óstöðug og hann marg­saga um hluta sak­ar­efn­is.

Framb­urður stúlk­unn­ar sé var­fær­inn, ein­læg­ur og afar trú­verðugur

Við sam­an­b­urð á framb­urði stúlk­unn­ar hjá lög­reglu og fyr­ir dómi tel­ur dóm­ur­inn að ein­stak­lega gott sam­ræmi sé í heild­ar­frá­sögn stúlk­unn­ar og nán­ari lýs­ingu á ein­stök­um til­vik­um og hún án mót­sagna. Þá tel­ur dóm­ur­inn máls­atriði benda til þess að stúlk­an sé að lýsa raun­veru­leg­um at­höfn­um og upp­lif­un henn­ar sem barn. Er það álit dóms­ins að framb­urður stúlk­unn­ar, virt­ur einn og sér, sé í senn var­fær­inn, ein­læg­ur og afar trú­verðugur.

Í dóm­in­um er vísað mikið til veik­inda manns­ins, sem hann veikt­ist af árið 2017, en um það leyti hætti hann að brjóta gegn stúlk­unni. Geðlækn­ir var dóm­kvadd­ur til að fram­kvæma geðrann­sókn á mann­in­um og meta sér­stak­lega and­legt ástand hans, hvort hann sé hald­inn barnagirnd, hvort hann hafi verið sak­hæf­ur á verknaðar­stundu og hvort refs­ing sé lík­leg til að skila ár­angri.

Er skemmst frá því að segja að matsmaður tel­ur mann­inn mjög veik­an af kvíða, dep­urð og at­hygl­is­bresti. Megi þar lítið út af bregða og ljóst að hann sé í mik­illi þörf fyr­ir áfram­hald­andi geðmeðferð. Hann grein­ist þó ekki með staðfesta barnagirnd.

Fram kem­ur að brot manns­ins séu mjög al­var­leg. Brot hans gegn ná­komnu, ókynþroska barni sem átti að vera ör­uggt um friðhelgi per­sónu og lík­ama í návist frænda síns hafi rofið traust á viðkvæmu þroska­skeiði barns­ins. Brot­in voru fram­in áður en maður­inn varð átján ára og horfði því til refsi­lækk­un­ar.

Refs­ing hans þykir þannig væg­ast met­in fang­elsi í þrjú ár. Með hliðsjón af al­var­leika brot­anna og að gætt­um ákvæðum al­mennra hegn­ing­ar­laga er ekki efni til að skil­orðsbinda þá refs­ingu þrátt fyr­ir hin al­var­legu, staðreyndu veik­indi ákærða. Það sé síðan ákvörðun fram­kvæmda­valds­ins hvort til afplán­un­ar komi.

Var maður­inn þá dæmd­ur til að greiða stúlk­unni 4.000.000 króna miska­bæt­ur og þrjá fjórðu alls máls­kostnaðar, sem var rúm­ar sjö millj­ón­ir króna.

• Blogga um frétt