Riddarar kærleikans í Boðunarkirkjunni

Fræðsla og söng­ur

„Magnea Sturlu­dótt­ir verður með fræðslu á milli laga um til­urð pásk­anna,“ upp­lýs­ir Elín Ósk. „Við byrj­um á því að syngja lög sem tengj­ast skír­deg­in­um, för­um síðan yfir í föstu­dag­inn langa og loks í upprisuna.“

Elín Ósk seg­ir mik­il­vægt að koma til móts við þá sem minna mega sín og Boðun­ar­kirkj­an geri það meðal ann­ars með því að veita áhuga­sömu fólki þá ánægju að koma á tón­leika án þess að þurfa að hafa áhyggj­ur af pyngj­unni. „For­seti Íslands hvatti al­menn­ing til að ger­ast ridd­ar­ar kær­leik­ans og við erum það.“ Fyr­ir rúm­um tveim­ur árum hafi hún viljað koma á fót sér­stöku tón­list­ar­haldi með aðkomu lista­fólks í kirkj­unni og nýbreytn­inni hafi verið vel tekið. „Við höf­um átt sér­lega nota­lega stund í kirkj­unni á þess­um ár­legu tón­leik­um og létt­ar veit­ing­ar í boði kirkj­unn­ar að þeim lokn­um hafa aukið á ánægj­una. Við erum líka með ár­lega aðventu­tón­leika í þess­um dúr og þeir hafa mælst vel fyr­ir. Mér vit­an­lega er þetta hvergi gert nema hjá okk­ur.“

Í lok fe­brú­ar sl. hélt Elín Ósk svo­kallaða end­ur­komu­tón­leika und­ir yf­ir­skrift­inni „Guð er kær­leik­ur“ eft­ir að hafa verið frá stóra sviðinu í ára­tug vegna veik­inda. Hún þakkaði Boðun­ar­kirkj­unni og kirkju­söfnuðinum fyr­ir bata á and­lega sviðinu og er þakk­lát fyr­ir mót­tök­urn­ar sem hún fékk fyr­ir tæp­um tveim­ur mánuðum. „Tón­leik­arn­ir voru meiri hátt­ar og allt gekk upp,“ seg­ir hún. „Áheyr­end­ur tóku mér svo vel að ég átti ekki til orð.“ Hún sé end­ur­nærð og tón­leik­arn­ir hafi veitt sér byr und­ir báða vængi. „Mig lang­ar til þess að halda áfram á þess­ari braut.“