Þétting við Suðurhóla kynnt í skipulagsráði

Í grein­ar­gerð með til­lögu Studio Bua kem­ur fram að svæðið sé ekki hluti af hverf­is­skipu­lagi og því sé eldra skipu­lag enn í gildi.

„Gera þarf sér­stakt deili­skipu­lag fyr­ir svæðið. Eft­ir að upp­bygg­ingu svæðis­ins er lokið skv. nýju deili­skipu­lagi er gert ráð fyr­ir að skipu­lagið verði fellt inn í hverf­is­skipu­lag,“ seg­ir jafn­framt í grein­ar­gerðinni.

Jó­hanna Dýrunn Jóns­dótt­ir, áheyrn­ar­full­trúi Viðreisn­ar og formaður íbúa­sam­tak­anna Betra Breiðholts, bókaði á fund­in­um að það væri gam­an að sjá fyrstu drög að upp­bygg­ingu á svæði sem ekki hefði verið hverf­inu til sóma síðastliðin ár. „Aukið líf í ná­grenni leik­skól­ans kem­ur von­andi í veg fyr­ir þá nei­kvæðu aðsókn sem hef­ur verið að svæðinu eft­ir lok­un.

Í Hóla­hverfi er ekki mikið um eign­ir í þess­um stærðarflokki með sér­g­arði, gam­an verður að sjá næstu skref,“ seg­ir formaður íbúa­sam­tak­anna í bók­un sinni.

Ekki náðist í Dóru Björt Guðjóns­dótt­ur formann skipu­lags­ráðs til að út­skýra önn­ur áform á reitn­um.