Eðlilegt að fólk verði óánægt eftir uppsögn

Mörg­um þeirra var sagt upp störf­um. Þetta herma heim­ild­ir Morg­un­blaðsins sem byggj­ast á sam­töl­um við fyrr­ver­andi starfs­menn fyr­ir­tæk­is­ins.

Frétt af mbl.is

Saka yf­ir­menn sína um einelti

Leituðu aðstoðar hjá sál­fræðistofu

Í blaðinu á fimmtu­dag­inn var rætt við tvo starfs­menn sem lýstu erfiðum sam­skipt­um við yf­ir­menn Faxa­flóa­hafna.

„Í um­fjöll­un Morg­un­blaðsins í dag [fimmtu­dag­inn] er rætt við tvo fyrr­ver­andi starfs­menn á skrif­stofu fé­lags­ins sem lýsa erfiðum sam­skipt­um á þeim tíma sem mestu breyt­ing­arn­ar fóru fram.

Um­kvart­an­ir sem bár­ust stjórn­end­um á þess­um tíma voru sett­ar í viðeig­andi og viður­kennda ferla og auk þess var leitað aðstoðar hjá virtri sál­fræðistofu. Niðurstaða þeirr­ar vinnu var af­ger­andi og ákv­arðanir stjórn­enda í fram­hald­inu meðal ann­ars tekn­ar á þeim grunni,“ seg­ir Gunn­ar í til­kynn­ing­unni.

Frétt af mbl.is

Sak­ir born­ar á yf­ir­menn Faxa­flóa­hafna

Breyt­ing­um geti fylgt erfiðar ákv­arðanir

Morg­un­blaðið hef­ur ít­rekað haft sam­band við Gunn­ar en hann neit­ar að gefa kost á sér til viðtals. Í til­kynn­ing­unni seg­ir að árið 2021 hafi skipu­lagi Faxa­flóa­hafna verið form­lega breytt og þá hafi þáver­andi stjórn­end­ur haf­ist handa við breyt­inga­ferli sem nú sjái fyr­ir end­ann á.

„Starfs­ánægja hef­ur auk­ist, og fjár­hags­leg af­koma fé­lags­ins og staða hef­ur aldrei verið betri. Al­var­leg­ar og sí­end­ur­tekn­ar at­huga­semd­ir innra eft­ir­lits og end­ur­skoðanda frá fyrri tíð heyra sög­unni til og þar hef­ur verið brugðist við með bættu verklagi og kerf­um sem upp­fylla kröf­ur sem eðli­legt er að gera til þjón­ustu­fyr­ir­tæk­is í al­manna­eigu,“ seg­ir í til­kynn­ing­unni.

„Slík­um breyt­ing­um geta fylgt erfiðar ákv­arðanir, ekki síst þegar kem­ur að starfs­manna­mál­um. Sum­ir kjósa að hverfa til annarra starfa en aðrir þurfa að víkja vegna breyt­inga. Ekk­ert er við það að at­huga og eðli­legt að upp­sagn­ir sem stjórn­end­ur telja nauðsyn­leg­ar til að ná sett­um mark­miðum valdi óánægju hjá þeim sem fyr­ir þeim verða.“