Gróðureldar á höfuðborgarsvæðinu

Slökkvilið höfuðborg­ar­svæðis­ins sinn­ir nú tveim­ur út­köll­um vegna gróðurelda, ann­ars veg­ar í Mos­fells­dal, fyr­ir neðan Helga­fell, og hins veg­ar við Hafra­vatn.

Að sögn Bjarna Ingimars­son­ar, varðstjóra hjá slökkviliðinu á höfuðborg­ar­svæðinu, náði eld­ur­inn í Mos­fells­dal yfir rúm­lega 100 fer­metra svæði og hafa slökkviliðsmenn slökkt eld­inn. Seg­ir hann að or­sök­in hafi lík­lega verið óvar­færni veg­far­enda.

Þá seg­ir hann slökkviliðsmenn vera á leiðinni upp að Hafra­vatni þar sem ann­ar gróðureld­ur hafi kviknað.

Þar að auki kviknaði gróðureld­ur í Elliðaár­vogi í morg­un, en sjálf­dautt var í eld­in­um þegar slökkvilið kom á svæðið.

„Það er tals­vert af sinu og gróður­inn er mjög þurr núna, þannig að það er tölu­verð hætta ef ekki er farið var­lega með eld,“ seg­ir Bjarni og brýn­ir fyr­ir al­menn­ingi að fara var­lega með op­inn eld úti í nátt­úr­unni.

• Blogga um frétt