Vinnu­mála­stofn­un hef­ur sagt upp samn­ingi við sveit­ar­fé­lög sem snýr að því að þjón­usta um­sækj­end­ur um alþjóðlega vernd. Bæj­ar­stjóri Hafn­ar­fjarðar seg­ir upp­sögn­inni fylgja mik­il óvissa.

Um­sækj­end­ur um alþjóðlega vernd er fólk sem kem­ur hingað til lands og ósk­ar eft­ir viður­kenn­ingu á stöðu sinni sem flótta­fólk. Hef­ur það verið á herðum sveit­ar­fé­laga síðustu ár að þjón­usta hluta þess fólks á móti Vinnu­mála­stofn­un á meðan beðið er niður­stöðu um hvort um­sókn þeirra verði samþykkt.

Um er að ræða upp­sögn á samn­ingi sem nær til Hafn­ar­fjarðar, Reykja­vík­ur og Reykja­nes­bæj­ar.

„Ákveðin óvissa sem þessu fylg­ir“

Í sam­tali við mbl.is seg­ir Valdi­mar Víðis­son, bæj­ar­stjóri Hafn­ar­fjarðar, að ákvörðun Vinnu­mála­stofn­un­ar hafi verið til­kynnt bæn­um fyr­ir um tveim­ur vik­um. Bréf um upp­sögn samn­ings­ins hafi svo form­lega borist á miðviku­dag.

Hann seg­ir bæ­inn nú vera að fara yfir hvaða áhrif upp­sögn­in kann að hafa, en ljóst sé að henni muni fylgja breyt­ing­ar og óvissa.

„Okk­ur finnst þetta auðvitað miður því að það er búið að vera að þjón­usta ákveðinn hóp í gegn­um þenn­an samn­ing og það er ákveðin óvissa sem þessu fylg­ir. Það gef­ur al­veg auga leið.“

Valdi­mar Víðis­son, bæj­ar­stjóri Hafn­ar­fjarðar. Ljós­mynd/​Aðsend

Munu óska eft­ir frek­ari upp­lýs­ing­um

Aðspurður seg­ir hann bæ­inn munu óska eft­ir upp­lýs­ing­um frá Vinnu­mála­stofn­un um næstu skref. Ekki sé vitað með hvernig hætti þjón­ust­an verði und­ir þeim sem taki við henni.

„Það er kom­in reynsla og þekk­ing inn­an sveit­ar­fé­lags­ins á þess­um mál­um og þessi nærþjón­usta sem verið er að veita í gegn­um þenn­an samn­ing hér inn­an sveit­ar­fé­lags­ins er nátt­úru­lega gíf­ur­lega mik­il­væg fyr­ir þessa ein­stak­linga sem þurfa á henni að halda og þar af leiðandi er þessi óvissa.“

Get­ur ekki tjáð sig um breyt­ing­arn­ar að sinni

„Við vilj­um vera viss um að sú þjón­usta sem sveit­ar­fé­lög­in hafa verið að veita - að það verði tryggt með ein­hverj­um hætti að hún verði veitt áfram í gegn­um þá aðila sem eru að taka þetta þá al­veg yfir,“ seg­ir Valdi­mar. 

Hann seg­ist ekki geta tjáð sig frek­ar um þær breyt­ing­ar sem upp­sögn­in kann að hafa á sveit­ar­fé­lög­in en að lín­ur muni von­andi skýr­ast á næstu dög­um.

Tengd­ar frétt­ir

Flótta­fólk á Íslandi

Ráðherr­arn­ir sögðu ekki orð

• Brott­far­ar­stöð vant­ar fyr­ir brott­vísað fólk
• Er­lend­um föng­um fjölg­ar meðan ís­lensk­um fækk­ar
• „Ekki ör­ugg heima hjá okk­ur“
• „Var bú­inn að grát­biðja okk­ur um að bjarga sér“

» Fleiri tengd­ar frétt­ir

• Blogga um frétt