Gæslan tekur þátt í kafbátaeftirliti

Kaf­báta­leitaræf­ing­in stend­ur til 9. maí og er Ísland gest­gjafi að þessu sinni. Land­helg­is­gæsla Íslands hef­ur ann­ast skipu­lagn­ingu æf­ing­ar­inn­ar í sam­starfi við varn­ar­mála­skrif­stofu ut­an­rík­is­ráðuneyt­is­ins og flota­stjórn Atlants­hafs­banda­lags­ins í Nort­hwood í Bretlandi.

Her­skip sem taka þátt í æf­ing­unni eru HNLMS Tromp frá Hollandi, FGS Bayern og FGS Rhön frá Þýskalandi, ORP Gener­al Kazimierz Pulaski frá Póllandi auk þýsks kaf­báts. Þrjú skip­anna eru hluti af fasta­flota NATO (SNMG1). Þau hafa komið til Reykja­vík­ur und­an­farna daga.

Nokk­ur her­skip NATO-ríkja, sem taka þátt í Mong­oose, voru kom­in að bryggju í Sunda­höfn í gær. mbl.is/​Eyþór

Freyja tek­ur þátt

Þá mun varðskipið Freyja taka þátt í æf­ing­unni auk þyrlu­sveit­ar Land­helg­is­gæsl­unn­ar. Það er ástæða þess að Freyja kom til hafn­ar í Reykja­vík að þessu sinni.

Varðskipið Þór tók á dög­un­um þátt í æf­ing­unni Arctic Guar­di­an 2025 sem fór að þessu sinni fram í ná­grenni við Tromsø í Nor­egi.

Auk Land­helg­is­gæsl­unn­ar tóku syst­ur­stofn­an­ir frá Kan­ada, Dan­mörku, Finn­landi, Nor­egi, Svíþjóð og Banda­ríkj­un­um þátt í æf­ing­unni sem fór fram á veg­um Arctic Co­ast Guard For­um sem legg­ur áherslu á sam­starf þess­ara sjö norður­skauts­ríkja á sviði leit­ar og björg­un­ar.