Helsingjar þurfa ekki að vera áhyggjuefni

„Á hverju vori koma gæs­ir eða álft­ir og leggja framtíð bænda í rúst. Þetta er svona hefðbund­inn söng­ur, hvort sem það er hels­ingi, grá­gæs, heiðagæs eða álft. Það er bara meira af hels­ingja þarna fyr­ir aust­an og hann er til­tölu­lega ný­bú­inn að nema land,“ seg­ir Jó­hann og gagn­rýn­ir að það fyrsta sem bænd­um detti í hug sé að drepa. „Það eina sem mönn­um dett­ur í hug er alltaf að grípa til byss­unn­ar, það er hægt að gera svo margt annað til að halda þeim frá tún­un­um en að skjóta þá. Það ætti að vera það síðasta sem mönn­um dett­ur í hug að gera – að drepa.“

Spurður hvað sé til ráða seg­ir hann vel hægt að fæla gæs­irn­ar með gam­aldags fugla­hræðu, hund­um, hljóðum eða drón­um. Gott ráð sé einnig að hafa kornak­ur sem hef­ur ekki verið sleg­inn árið áður, þá fari fugl­arn­ir í hann. Sums staðar hafi bænd­ur fengið styrki til að gera slíkt. Þá bend­ir hann á að gæs­irn­ar geti ekki lent inni í kornakr­in­um sjálf­um held­ur lendi þær fyr­ir utan og labbi inn. Því sé hægt að koma upp lág­um girðing­um utan um ak­ur­inn.