Hundrað ára öldungur bauð í veislu

Hösk­uld­ur seg­ir kór­inn hafa ákveðið í fyrra að á af­mælis­ár­inu 2025 yrði æfð dag­skrá sem yrði þversk­urður þess sem hann hefði verið að syngja á und­an­förn­um 100 árum.

„Þetta hafa verið klass­ísk kór­lög í bland við það sem við höf­um gert núna seinni árin við góðar und­ir­tekt­ir, að flytja ýmis lög með hljóm­sveit, meðal ann­ars lög Geir­mund­ar Val­týs­son­ar og lög­in sem Elly og Vil­hjálm­ur gerðu vin­sæl,“ seg­ir Hösk­uld­ur enn frem­ur.

Fleiri tón­leik­ar í haust

Kór­inn hef­ur á af­mælis­ár­inu sungið á Blönduósi, Hvammstanga og í Miðgarði í Skagaf­irði og Borg­ar­nesi. Síðan er stefn­an tek­in á tvenna eða þrenna tón­leika í haust, að sögn Hösk­uld­ar. Stjórn­andi kórs­ins er Eyþór Franz­son Wechner og und­ir­leik­ari Louise Price.

„Við erum af­skap­lega stolt­ir af því að hafa náð hundrað ára aldri, þegar fé­lags­starf á víða und­ir högg að sækja. Framtíðin er björt og marg­ir ung­ir menn komn­ir í kór­inn,“ seg­ir Hösk­uld­ur.