Fyrsta stóra farþegaskipið

Flest stóru skemmti­ferðaskip­in sem hingað koma leggj­ast að bryggju á Skarfa­bakka. Í sum­ar verður nokkuð þröngt um þjón­ustu við skip­in við Skarfa­bakka þar sem bygg­ing farþegamiðstöðvar Faxa­flóa­hafna stend­ur nú sem hæst. Áætlað er að hin nýja farþegamiðstöð verði til­bú­in á vor­mánuðum 2026.

Árleg­ur vor­fund­ur

Faxa­flóa­hafn­ir héldu vor­fund sinn ný­lega til að kynna fyr­ir­tækj­um í ferðaþjón­ustu, umboðsmönn­um og öðrum hagaðilum skipu­lag sum­ars­ins við mót­töku skemmti­ferðaskipa.

„Hinn ár­legi vor­fund­ur Faxa­flóa­hafna vegna vertíðar skemmti­ferðaskipa á sér ára­tuga­langa hefð og er fast­ur vor­boði fyr­ir alla þá hagaðila sem koma að mót­töku skemmti­ferðaskipa á starfsvæði Faxa­flóa­hafna. Hús­fyll­ir var í aðal­stöðvum Faxa­flóa­hafna að Tryggvagötu 17 og ljóst að vilji hlutaðeig­andi til að láta þessa mik­il­vægu grein ferðaþjón­ust­unn­ar ganga sem best er mik­ill,“ seg­ir á heimasíðu Faxa­flóa­hafna.