Skammt suðaust­ur af Hornafirði er lægð sem stjórn­ar veðrinu í dag með vest­læg­um átt­um, yf­ir­leitt á bil­inu 5-13 m/​s með rign­ingu á Norður­landi en súld eða dá­lít­illi rign­ingu með köfl­um vest­an­til. Hiti 5 til 10 stig, en á Suðaust­ur­landi og Aust­fjörðum létt­ir til með hita að 15 stig­um.

Á höfuðborg­ar­svæðinu verður vest­an 5-10 m/​s, skýjað og dá­lít­il væta af og til. Dreg­ur úr vindi og létt­ir til up­p­úr há­degi á morg­un. Hiti 4 til 10 stig.

Á morg­un kem­ur lít­il lægð yfir Græn­lands­jök­ul og fer aust­ur með Norður­landi með norðan 3-8 m/​s, en 8-13 aust­an­lands. Rign­ing eða slydda á Norður- og Aust­ur­landi og hiti 2 til 7 stig þar. Birt­ir upp sunn­an heiða eft­ir há­degi með hita að 12 stig­um.

Annað kvöld og á laug­ar­dag fær­ist hæð yfir landið og því verður hæg­ur vind­ur og létt­skýjað um mest allt land um helg­ina.

Veður­vef­ur mbl.is.

Tengd­ar frétt­ir

Veður

Skýjað með köfl­um og víða skúr­ir

• Nokkuð öfl­ug­ar demb­ur sums staðar
• Aðgerðarlítið hægviðri og skúr­ir næstu dag­ana
• Svipað veður næstu daga
• Væta í flest­um lands­hlut­um

» Fleiri tengd­ar frétt­ir

• Blogga um frétt