Tilkynnt um mann með skotvopn: Einn handtekinn

Sér­sveit rík­is­lög­reglu­stjóra var kölluð út í morg­un á Hverf­is­götu vegna manns sem var sagður vopnaður skot­vopni í íbúðar­hús­næði. Búið er að hand­taka mann­inn og aflétta götu­lok­un­um. 

Þetta seg­ir Ásmund­ur Rún­ar Gylfa­son, aðstoðar­yf­ir­lög­regluþjónn hjá lög­regl­unni á höfuðborg­ar­svæðinu, í sam­tali við mbl.is. 

„Það var til­kynnt um aðila sem væri vopnaður skot­vopni í íbúð og það er búið að hand­taka aðila. Málið er bara í vinnslu hjá okk­ur,“ seg­ir Ásmund­ur. 

Eins og mbl.is greindi frá fyrst þá var Hverf­is­götu, Lind­ar­götu, Vita­stíg og Klapp­ar­stíg lokað vegna aðgerðar­inn­ar. Nú er búið að aflétta götu­lok­un­um.

Frétt af mbl.is

Hverf­is­gata lokuð vegna aðgerðar sér­sveit­ar

Eng­um skot­um hleypt af

Ásmund­ur seg­ir að íbúðin hafi verið við Hverf­is­götu en vill ekki svara því hvort að maður­inn hafi raun­veru­lega verið vopnaður skot­vopni.

„En til­kynn­ing­in hljómaði að aðili væri vopnaður skot­vopni og það er búið að hand­taka aðilann og málið er í rann­sókn.“

Eng­um skot­um var hleypt af. 

• Blogga um frétt