Hvað ætluðu út­send­ar­ar Björgólfs Thors að gera með upp­lýs­ing­ar um Vil­hjálm Bjarna­son? Tengd­ist það brenni­víni og kvenna­mál­um? Því svar­ar bíl­stjór­inn á V 279 í Spurs­mál­um í nýj­asta þætti Spurs­mála.

Þátt­ur­inn var sýnd­ur hér á mbl.is fyrr í dag. Upp­töku af hon­um má nálg­ast í spil­ar­an­um sem fylg­ir frétt­inni, á Spotify, og YouTu­be og er hún öll­um aðgengi­leg. 

Með njósn­ara á hæl­un­um 

Vil­hjálm­ur hef­ur verið í kast­ljósi fjöl­miðla í vik­unni eft­ir að upp­lýst var að njósn­ar­ar hefðu verið á hæl­um hans um nokk­urra vikna skeið árið 2012. En hver var for­saga máls­ins og í hvaða ill­deil­um stóð Vil­hjálm­ur sem ollu því að hon­um var veitt eft­ir­för og setið var um heim­ili hans?

Frétt af mbl.is

Björgólf­ur sagður hafa fjár­magnað njósn­ir á hlut­höf­um

Sviðsstjóri og for­setafram­bjóðandi

Í frétt­um vik­unn­ar ber þetta furðumál einnig á góma en gest­ir Spurs­mála að þessu sinni í þeim hluta þátt­ar­ins eru þeir Gylfi Þór Þor­steins­son, sviðsstjóri hjá Rauðakross­in­um og Magnús Ragn­ars­son, formaður Tenn­is­sam­bands­ins og nú fram­bjóðandi til embætt­is for­seta Íþrótta- og ólymp­íu­sam­bands­ins.

Frétt af mbl.is

Lands­menn hvatt­ir til að búa sig und­ir neyðarástand

Ber ým­is­legt á góma í þeirri umræðu, meðal ann­ars verk­efni sem Rauðikross­inn fer fyr­ir og teng­ist viðbrögðum al­menn­ings ef til neyðarástands kem­ur. Umræðan um þetta verk­efni tók tals­verðan kipp þegar raf­magns­laust varð um gjörv­all­an Spánn og Portúgal með ófyr­ir­séðum af­leiðing­um.

Nýja tækni þarf við lík­brennslu

Í lok þátt­ar­ins  verður rætt við Sig­ríði Bylgju Sig­ur­jóns­dótt­ur sem fer fyr­ir sjálf­seign­ar­stofn­un­inni Tré lífs­ins. Hef­ur hún ásamt sam­starfs­fólki lengi stefnt að því að byggja upp full­komna og nú­tíma­vædda lík­brennslu hér á landi í stað þeirr­ar sem nú er rek­in af Kirkju­görðum Reykja­vík­ur­pró­fasts­dæma.

Búnaður­inn sem þar er not­ast við stenst eng­ar kröf­ur varðandi meng­un og vill Sig­ríður meina að rétt sé að fela einkaaðilum að byggja nýja aðstöðu í þess­um efn­um.

Fylgstu með Spurs­mál­um alla föstu­daga klukk­an 14 á mbl.is.

Magnús Ragn­ars­son, Sig­ríður Bylgja Sig­ur­jóns­dótt­ir, Vil­hjálm­ur Bjarna­son og Gylfi Þór Þor­steins­son eru gest­ir Stef­áns Ein­ars Stef­áns­son­ar í Spurs­mál­um. Sam­sett mynd/​mbl.is/​María Matth­ías­dótt­ir

Tengd­ar frétt­ir

Spurs­mál

Bar­átt­an hefst: Inn­an við ár í kosn­ing­ar

• Sig­mund­ur Ern­ir á botn­in­um
• Kall­ar eft­ir há­marki á rann­sókn­ar­tíma
• Ár í kosn­ing­ar: Bar­átt­an er byrjuð
• Vilja nýja rann­sókn á máli sr. Friðriks

» Fleiri tengd­ar frétt­ir

• Blogga um frétt