Enginn Pollur á Tálknafirði í bili

„Við erum að fara að mála pott­ana í nýj­um lit og bæta við sturt­um núm­er tvö, við stækkuðum húsið 2023 og unn­um aðeins í þessu í fyrra líka og núna er kom­inn tími til að leggja loka­hönd á þetta,“ seg­ir Jón­as Snæ­björns­son, prim­us motor end­ur­bóta á Poll­in­um á Tálknafirði, þess­ari vin­sælu nátt­úru­laug í Sveins­eyr­ar­hlíð skammt utan þétt­býl­is­svæðis fjarðar­ins.

Vatnið í Poll­in­um kem­ur úr bor­holu sem boruð var árið 1977 þar á svæðinu, en nú verður Poll­ur­inn lokaður um nokk­urra daga skeið vegna fram­kvæmd­anna. Kveður Jón­as tíma­bil lok­un­ar­inn­ar því miður ör­lítið lengra en á horfðist í fyrstu.

Þrif­inn á tveggja ára fresti

„Til stóð að lokað yrði til 6. maí, en nú lít­ur út fyr­ir að það verði fram að helgi, jafn­vel fram á sunnu­dag í næstu viku. Við ætl­um að klára þetta al­menni­lega svo við þurf­um ekki að eiga við þetta meira á þessu ári,“ seg­ir Jón­as enn frem­ur og svar­ar því aðspurður að viðhald Polls­ins þurfi að fara fram um það bil ár­lega auk þess sem hann sé þrif­inn á tveggja ára fresti þar sem eng­inn klór fari í Poll­inn.

Eru Ak­ur­eyr­ing­ar ekk­ert að fetta fing­ur út í nafnið, ver­andi með sinn eig­in pott?

„Nei nei, alla vega hef ég ekki heyrt af því,“ svar­ar Jón­as með aðkenn­ingu að hlátri og seg­ir að slík­um aðfinnsl­um yrði enda mætt af hörku. „Við mynd­um þá bara gera það sama á móti, sá Poll­ur er jafn­fjarri okk­ur og þessi er þeim,“ seg­ir Jón­as Snæ­björns­son að lok­um.

• Blogga um frétt