Ósáttur við „afarkosti“ af hálfu Isavia

Maður­inn sendi al­menna fyr­ir­spurn á Isa­via og fékk að eig­in sögn í svar­inu staðfest­an grun sinn um að þess­ir „ósann­gjörnu viðskipta­hætt­ir“ væru þar við lýði.

Í svari Isa­via við fyr­ir­spurn­inni sagði að kerfi fyr­ir­tæk­is­ins væri hannað með þeim hætti að þegar bók­un er breytt sé gamla bók­un­in end­ur­greidd og greitt sé fyr­ir nýja bók­un eins og verið sé að bóka á þeim tíma sem breyt­ing­in er gerð. Fyr­ir vikið missi viðskipta­vin­ir þann ávinn­ing sem hafi hlot­ist af fyr­ir­hyggj­unni að bóka stæði snemma.

Guðjón Helga­son upp­lýs­inga­full­trúi Isa­via seg­ir að sér þyki miður að heyra af því að viðkom­andi farþegi hafi ekki fengið viðun­andi úr­lausn mála þegar hann leitaði til fyr­ir­tæk­is­ins og hvet­ur hann til að setja sig í sam­band við bíla­stæðaþjón­ust­una á Kefla­vík­ur­flug­velli.

„Fyr­ir tæp­um tveim­ur árum inn­leidd­um við nýtt bíla­stæðakerfi. Við höf­um síðan þá fengið ábend­ing­ar um aðstæður sem þess­ar frá viðskipta­vin­um okk­ar sem við telj­um vera rétt­mæt­ar ábend­ing­ar. Þess vegna erum við að upp­færa bók­un­ar­kerfi okk­ar þannig að viðskipta­vin­ir geti breytt bók­un­um sjálf­ir í gegn­um netið. Það er ekki hægt eins og stend­ur. Á meðan þeirri upp­færslu er ekki lokið þá ráðleggj­um við fólki, sem kem­ur seinna heim úr ferðalagi en áætlað var, að aka bíl sín­um út af stæðinu og gera síðan upp auka­kostnaðinn á Autopay-vefn­um sem fyrst við heim­komu. Á vef Autopay er bíl­núm­eri bara flett upp til að geta borgað viðbót­ar­kostnaðinn,“ seg­ir Guðjón og bend­ir á að all­ar upp­lýs­ing­ar um bíla­stæðaþjón­ustu Kefla­vík­ur­flug­vall­ar megi finna á kefp­ark­ing.is.