Bíl ekið utan í hús í Yrsufelli

Snemma í morg­un var bíl ekið inn í garð og utan í hús í Yrsu­felli í Reykja­vík í morg­un. Innst í göt­unni er leik­skóli og hafa íbú­ar kvartað und­an of hröðum akstri í göt­unni. Það ber því að huga að frek­ara um­ferðarör­yggi í göt­unni.

„Þetta var ökumaður sem keyrði í gegn­um lim­gerði við húsið og stöðvaði svo ekki bíl­inn og lét eng­an vita,” seg­ir Axel Jón Ell­en­ar­son, íbúi í göt­unni. Tveir voru í bíln­um og reyndi ökumaður að keyra í burtu. „Ég bað kon­una um að drepa á bíln­um og bíða eft­ir lög­regl­unni,” seg­ir Axel.

Ökumaður gat ekki svarað því hvernig þetta vildi til

„Kon­an gat ekki svarað því hvernig þetta vildi til. Kon­an gat ekki svarað því öðru­vísi en að hún hefði misst stjórn á bíln­um. Hún kem­ur frá end­an­um á hús­inu, kem­ur á milli raðhús­anna og tek­ur u-beygju inn í garðinn. Hún býr í raðhúsa­lengju hér fyr­ir neðan”.

Axel hafði ekki rætt við aðra íbúa í göt­unni en íbú­ar hafa kvartað und­an hraðakstri á þess­um til­tekna bíl. Axel seg­ir vera of mikið um hraðakst­ur í göt­unni. „Það er því miður mikið um hraðan akst­ur í göt­unni. Þetta er 30 kíló­metra gata og það er leik­skóli hérna í end­an­um. Það eru börn á ferð hér og það er of mik­ill hraðakst­ur. Sum­ir keyra bara mjög hratt“.

Ekki varð mikið tjón á hús­inu en það má sjá lítið tjón á klæðning­unni. Axel seg­ist þakk­lát­ur fyr­ir að eng­inn slasaðist.

• Blogga um frétt